МДҲ давлатларидан кузатувчилар миссияси Қозоғистондаги Президент сайловларини кузатиш бўйича иш натижаларини эълон қилди, деб хабар беради Sputnik Қозоғистон.

– Жорий йил 9 июндаги Қозоғистон Республикаси Президенти сайлови Конституция ва “Қозоғистон Республикасида сайловлар тўғрисида” Конституциявий қонунига мувофиқ ўтди, – деб маълум қилди МДҲ кузатувчилари миссияси раҳбари, МДҲ ижро қўмитаси раиси Сергей Лебедев.

Қайд этилишича, сайловлар демократик тамойилларга мувофиқ равишда шаффоф, одилона ва рақобатбардошлик шароитида ўтган. МДҲ миссияси таркибида Озарбайжон, Арманистон, Беларусь, Қирғизистон, Россия, Туркманистон, Ўзбекистон, МДҲ парламентлараро ассамблеяси, Белаорусь парламент йиғини, Россия парламент йиғинидан кузатувчилар бўлишган.

МДҲ миссиясидан 432 нафар кузатувчи, шу жумладан узоқ муддатли асосдаги 20 нафар кузатувчи сайлов мавсуми мониторингини юритган. МДҲ миссияси жорий йилнинг 20 майидан Қозоғистондаги сайлов жараёни мониторингига киришди. Кузатувчилар мамлакатнинг барча минтақаларидаги участкаларга боришди. Мамлакатимизда 9 июнь куни ўтган Қозоғистон Президенти сайловида Давлат раҳбари лавозимига етти номзод даъвогарлик қилди. Exit poll натижаларига кўра Қасим-Жўмарт Тўқаев унда етакчи.