ҚР Президентлигига номзод Қасим-Жўмарт Тўқаев сайловнинг дастлабки натижаларидан сўнг ватандошларига миннатдорчилик билдирди.

“Сайловолди кампанияси тинч ва маданиятли ўтганидан мамнунман. Бу – ҳаққоний рақобат бўлганидан дарак беради. Бу эса ўз навбатида Қозоғистонда сиёсий маданиятнинг ўсганини англатади. Олдимизда жуда катта ва масъулиятли вазифалар турибди”, деди Қасим-Жўмарт Тўқаев.

У республика жамоат штаби аъзолари, партия тарафдорлари, фаолларга сайловолди жараёнида бажарилган улкан ишлар учун миннатдорчилик билдирди. 

“Бутун дунёда бўлганидек, мамлакатимизда ҳам вазият ўзгарганини англаяпсизлар. Қозоғистон дунё ҳамжамиятининг бир бўлаги сифатида вазиятни ҳис этиб турибди. Қозоғистоннинг ёрқин келажаги учун биз бирга бўлишимиз керак”, деди Қ. Тўқаев.

У Қозоғистон Республикасининг Тўнғич Президенти – Элбоши Нурсултан Назарбаев бутун дунёга яхши танилган кўпмиллатли кучли давлат қурганлигини таъкидлади.

“Бизнинг вазифамиз – барча муваффақиятларни сақлаб қолган ҳолда бунёдкорлик ва тараққиёт йўлидан шахдам одимлаш”, деди Қ. Тўқаев.