Қозоғистон Республикаси Президенти Қасим-Жўмарт Тўқаев Нур-Султан, Алмати, Шимкент шаҳарлари ва вилоятлар ҳокимлари тўғрисидаги фармонни имзолади.

Қозоғистон Республикасининг Президенти янгидан сайланганда Қозоғистон Республикаси Конституциясининг 87-модда, 5-бандига мувофиқ, Нур-Султан, Алмати, Шимкент шаҳарлари ва вилоятлар ҳокимларининг ваколати тугатилиши муносабати билан ҚАРОР ҚИЛАМАН:

1. Нур-Султан, Алмати, Шимкент шаҳарлари ва вилоят ҳокимлари ўринларига янги ҳокимлар тайинлангунига қадар ўз вазифаларини бажараверсинлар.

2. Мазкур Фармон имзоланган кундан бошлаб амалга жорий этилади.

“Қозоғистон Республикаси Президенти тўғрисида” Қозоғистон Республикаси Конституциявий қонунининг 17-1 модда, 1-бандига мувофиқ, янгидан сайланган Президент ишга киришгач, Қозоғистон Республикаси Президентига бевосита бўйсунувчи ва ҳисобот берувчи давлат идоралари раҳбарларининг ваколати тўхтатилиши муносабати билан ҚАРОР ҚИЛАМАН:

1. Қозоғистон Республикаси Президентига бевосита бўйсунувчи ва ҳисобот берувчи давлат идоралари раҳбарлари ўринларига янги раҳбарлар тайинлангунига қадар ўз вазифаларини бажараверсинлар.

2. Мазкур Фармон имзо чекилган кундан бошлаб амалга жорий этилади.

Фармон 2019 йил 12 июнь куни қабул қилинди.