Давлатимизнинг янги раҳбари Қ. Тўқаевнинг инаугурациясида қат­на­шиб, катта таассуротлар олдим. Маълумки, қонун бўйича Президент халқ олдида қасамёд қилгандан кейин ўз лавозимига ки­­­­­ришади. Янги Президент ҳам бу масъулиятли бос­­­­­­­­­­­­қичдан ўтиб, ўз вази­фа­ларига киришиб кетди. 

Уни олдинда кўплаган мураккаб вазифалар кутиб турибди. Қ. Тўқаевнинг ўзи таъкидлаганидек, бугунги кунда халқимизни нима безовта қилмоқда, қайси муам­молар долзарб, қайси вазифаларни тезлик билан ҳал этиш лозим?

Аввало, фуқаролар ҳамма жойда адолат қарор топишини исташмоқда. Ижтимоий сиёсатдан бошлаб, давлат органларида халққа одил хизмат кўрса­тилишини талаб этишмоқда. Яна бир долзарб масала– даромад манбаларининг камайиб кетиши. Халқаро молия бозорларининг беқарорлиги тенге қадрига таъсир қилди, бу эса ўз-ўзидан аҳоли даромадига салбий таъсир кўрсатмоқда. 

Шу боисдан, мазкур долзарб ижтимоий-иқтисодий ва сиёсий масалаларни ҳал этиш учун ўрта муддатли чора-тадбирлар қабул қилиш тақозо этилади. 

Ўйлайманки, янги Президентнинг бу муаммоларни ҳал этишга салоҳияти етади, чунки юртимиз мустақил бўлгандан буён Ҳукуматда меҳнат қилиб, бой тажриба тўплагач, давлат сиёсатини теран тушунади, барча дастурларда Элбошига ёрдам бериб келган. Биз эса ўз тарафимиздан уни қўллаб-қувватлашга тайёрмиз!