Йил сайин июнь ойининг учинчи якшанбасида тиббиёт ходимларининг касбий байрамини нишонлаймиз. Байрам муносабати билан Шимкент шаҳар ҳокими мегаполисдаги касалхона ва шифохоналарнинг 9 ходимига янги квартиралар калитини топширди. Яна икки мутахассисга эса хизмат квартиралари тақдим этилди.

Ғ. Абдирахимов тиббиёт ходимларини байрам билан қутлаб, уларга Соғликни сақлаш вазирлигининг “Ривожланишга қўшган ҳиссаси учун” мукофотларини топширди. Шу куни шифокор ҳамда ҳамшираларга муносиб меҳнатлари учун медаллар ҳам тақдим этилди. Бундай медалларга 30дан зиёд тиббиёт ходими сазовор бўлди.

– Жорий йилнинг 1 июнидан барча тиббиёт ходимларининг маошлари 30 фоиз ошди. Келажакда биз шаҳардаги иккита йирик касалхонани таъмирлашни режалаштиряпмиз. Бундан ташқари, Шимкентда энг сўнгги намунадаги ускуналар билан жиҳозланган 8та янги шифохона қад кўтаради. Биз бу соҳага катта эътибор қаратамиз, – деди шаҳар ҳокими.

 Айни дамда Шимкентда 36та давлат ва 68та хусусий тиббиёт муассасаси фаолият юритяпти. Уларда 12 минг нафар шифокор ва тиббиёт ходими ишлаяпти.