Вилоят таълим бошқармасининг “Ту­ғилган ер” дастурини амалга ошириш юзасидан 2017 йилга мўлжалланган минтақавий тадбирлар режасига мувофиқ, “Табиғатты қоршаған, адам әркез қорғаған” вилоят танлови ўтди.

Унинг мақсади: ёшларда Ватанга, она юртга муҳаббатни кучайтириш, ҳайвонларнинг инсон ҳаё­тидаги аҳамиятини тарғиб қилиб, уларни қадр­лашга, асраб-авайлашга ҳисса қўшиш туйғусини сингдиришдан иборат эди.

Танлов икки йўналиш бўйича ўтди. 

Биринчи йўналиш мактаб ўқувчилари ва мактабдан ташқари муассасалар талабалари орасида учта номинация бўйича ғолиблар аниқланди. 

Мавзу бўйича тарғибот плакатлари, эмблемалар ва шартли белгилар суратлари, ҳакамлар ҳайати эътиборига ҳавола қилинди.

Шунингдек танловда, “Жониворлар ва паррандалар – табиат кўрки” мавзуидаги компьютер тақдимотлари,

 “Ўлкамнинг табиати” мавзуидаги фотосуратлар ва фотоколлажларга баҳо берилди.

2-йўналиш бўйича умумий ўрта мактаб муал­лимлари, ёрдамчи таълим муассасаларининг педагог ходимлари орасида “Табиат ўз уйинг” мавзусида очиқ дарслар ва тадбирлар сценарийлари танлови ўтди.

Иштирокчиларнинг ижодий ишларини олий ўқув юртларининг доцентлари, таълим муассасалари олий тоифали ўқитувчилари, табиатни ҳимоя қилиш соҳасининг мутахассислари таҳлил қилиб, ғолибларни аниқладилар. Улар ЖҚВ таълим бошқармасининг Диплом ва қимматбаҳо совғалари билан тақдир­ландилар. 

Тақдирлаш маросими 5 июнь – Бутунжаҳон атроф-муҳитни муҳофаза қилиш куни  ўтди.

Тадбирни ўтказишга вилоят экология департаменти ҳамда ЖҚВ табиий захиралар ва табиатдан фо­даланишни созлаш бошқармаси муносиб ҳиссаларини қўшди.