Туркистон шаҳридаги “Ёшлар имконият маркази”да вилоят ички сиёсат бошқармаси ташаббуси билан “TURKISTAN” фотосанъат маркази очилди. Унда мамлакатимизга машҳур суратчи, “Фотосанъат” ижтимоий бирлашмаси раиси Асилхан Абдирайимули ёшларга соҳа сирларини ўргатади. Марказнинг очилиш маросимида вилоят ҳокими Ўмирзақ Шўкеев иштирок этиб, суратлар билан танишиб чиқди. Кўргазма давомида минтақа раҳбарига фотографлар томонидан сурат совға қилинди.

Туркистон вилоятининг бир йиллиги арафасида очилган уш­бу фотоклуб фаолиятини Х. А. Яссавий но­мидаги ХҚТУ билан бевосита олиб боради. Турли мав­зуларда фотоэкспедициялар ташкиллаштирилиб, минтақада туризмни ривожлантириш иш­ларини тарғиб қилади.

Фотоклубнинг очилиш ма­ро­симида меҳмонлар “Буюк Дашт­­­­­нинг Туркистони” номли рес­пуб­лика фотоэкспедицияси аъзо­ларининг суратларини томоша қилишди.

Келгусида турли мавзуларда давом эттирилиши кутилаётган фотоэкспедиция асосчиси А. Аб­дирайимули туғилган ўлкамиз – Туркистоннинг равнақи йўлида тинимсиз меҳнат қилиш, унинг гуллаб-яшнашига муносиб ҳисса қўшишга доим тайёр эканини айтди.