5 сентябрь куни мам­лакатимиз пойтахти Астана шаҳрида Ўзбе­кистон делегацияси ол­дида “Ҳам­корлик кўп­риклари” дас­­тури дои­расида Нур­султан На­зарбаевнинг иж­тимоий тотувлик ва миллий бирлик Қозоғистон моде­лининг тақдимоти ўтка­зилади.

Ўша куни пойтахтимизда қозо­ғистонлик ўзбекларнинг иқтисодий, ижтимоий-маданий соҳалардаги ҳам­да ижодий ютуқ­ларини намойиш этиш режа­лан­ган. Карнай-сурнай садо­лари билан бошланадиган тантана хонандаю-созанда, раққосаларнинг чиқишлари билан давом этади. 

Тадбир доирасида оммавий ахборот воситалари, бадиий адабиёт, халқ ҳунармандлари кўргазмалари, мил­лий либослар ва чолғу асбоблари на­мо­йиш қилинади. Унда ўзбек нон­лари, таомлари ва қандолатчилик маҳсулотларига алоҳида ўрин ажра­тилган. 

Шунингдек, Қозоғистоннинг ижти­моий ҳаёти, миллий тотувлиги ва бирлиги, унда фаолият юритаётган ўзбек этномаданият бирлашмалари  “Дўстлик” ҳамжамияти фаолиятини акс эттирувчи қозоқ, рус ва инглиз тилларидаги тар­қатма материаллар  тайёрланмоқда. Вилоят ўзбек драма театри ушбу тад­бир учун махсус саҳна кўринишлари ҳозирламоқда.

Шу куннинг ўзида Астана ша­ҳар ўз­бек этномаданият бирлаш­масининг 10 йиллиги ҳам  давлат, маданият, жамоат арбоблари, Парламент депутатлари, республика ва шаҳар ижро органлари раҳбарлари иштирокида кенг нишон­ланиши  кутилмоқда. 

“Дўстлик” ҳамжамияти юрти­мизнинг, халқимизнинг обрў-эъти­борини янада орттирувчи ушбу тад­бирларда қатнашиш ниятини бил­дирган, унинг янада юксак даражада ўтишини таъминлашга ҳисса қўшишни истаган барча юртдошларимиз билан мулоқот қилмоқда, ҳозирлик ишлари бошланиб кетган. Қозоғистонни яна­да юксалтириш, дўстлик, бирлик, ҳамжиҳатликни мустаҳкамлашга хизмат қилувчи ушбу тадбир ну­фузимиз ва қобилиятларимизни намоён қилувчи яна бир имко­ниятдир.