Куни кеча “Астана” халқаро молия маркази (АХММ)да Президент Қ. Тўқаев иштирокида янги суд биноси ва Халқаро арбитраж маркази очилди.

Тантанали маросимда молия марказининг бошқарувчиси Қ. Келимбетов, АХММ Суд раиси Лорд Вульф, Халқаро арбитраж марказининг раисаси Барбара Доманн ҳамда АХММ Суди ва ХАСнинг рўйхатга олувчиси ва девон раҳбари Крис Кэмпбелл-Холт қатнашди.

Ушбу янги муассасаларнинг очилиши мамлакатимизнинг ривожланган 30 давлат қаторига киришида аҳамият касб этишини алоҳида қайд этган Давлат раҳбари:

–  Биз бу вазифанинг улуғворлигини теран тушунамиз. 

 У барқарор ва сифатли иқтисодий ўсиш, модернизация, янги сармоя ва технология жалб этиш учун талаб этилади. Биз ислоҳотлардан қўрқмаймиз. Шу боис МДҲ давлатлари ичида биринчилардан бўлиб айнан бизнинг мамлакатда инглиз суд ҳокимиятининг умумий тизими муваффақиятли қўлланилмоқда. Ушбу халқаро суд таркибида британиялик фаол ва обрўли судьяларнинг бўлиши – Молия марказининг даромадга эгалик қилишига таъсир қилади, – деди.