Вилоят ҳокими Ў. Шукеев раҳбарлигида Арис шаҳрини қайта тиклаш ишлари жадал олиб борилмоқда. “Кўпчилик бў­либ кўтарган юк енгил”, дегенларидек, шаҳарни тиклаш иш­ларида мамлакатимизнинг барча ҳудудлари жонбозлик кўрсатмоқда. 

Хусусан, Ўтрор тумани ҳокими Ерлан Айтаханов бошчи­лигидаги туманнинг бир гуруҳ депутатлари, тадбиркорлар, фаол ёшлар ҳамда кўнгиллилар ҳам туну кун шаҳарни тозалаш ишларида қатнашмоқда.

Арисликлар уйларига жой­лашиб олгунга қадар улар­нинг болалари Тулкибош тумани, Келте Машат қиш­лоғидаги «Ўтрор» ёзги соғ­ломлаштириш лагерида дам олишмоқда. 

Туман ҳо­ки­ми топшириғига биноан лагердаги болалар иссиқ ов­қат, кийим-кечак билан таъминланиб, улар учун турли спорт ва маданий тадбирлар уюштирилмоқда. Мақсад – уларнинг бола­лик чоғларини кўнгилли ўтка­­­­­­­­­­­­­­зишларига ёр­дам бериш. 

Арислик Арман Ўралбаев 9 ёшда. Унинг ота-онаси Арис шаҳрида. Спортнинг футбол турини яхши кўрадиган Арман лагердаги дам олиш мароқли ўтаётганидан хурсанд бўлиб, шундай шароитни яратиб берган Ўтрор тумани ҳокимига  тенгқурлари номидан миннат­­­­­­­­дорчилик билдирди.