Жанубий Қозоғистон вилояти ЭКСПО – 2017 Халқаро ихтисослаштирилган кўргазмасига келаётган меҳмонларни кутиб олишга тайёр. Вилоят ҳоким­лиги ва сайёҳлик ассоциацияси ҳамкор­ликда махсус 3-5 кунлик сайёҳлик йўналишларини тайёрлади.

 10-15 одамлик гуруҳга 3 кунлик йўна­лишнинг баҳоси 62400 тенге бўлса, 5 кунлик маршрутнинг баҳоси 106 минг тенгени ташкил этади.

Улар тарихий ва меъморий ёдгор­лик­ларни томоша қилишга мўлжалланган сайёҳлик йўналишларидир. Масалан, сайёҳлар Туркистон шаҳрида “Ҳазрат  Султон” қўриқхона-музейи билан Саврон шаҳарчасини, Ўтрор туманида Арслонбоб мақбараси ва Ўтрор шаҳарчасини, Байдибек туманида Оқ масжид дараси  ва Домалақ ана мақбарасини, Қазиғурт туманида “Ке­ме қалған” мемориал  мажмуаси ва “Адам ата – Жер ана” табиий ёдгорлигини томоша қилса, Тўлебий  туманида “Сайрам-Ўгам” давлат миллий табиий хиёбонини,  Тул­кибош туманида “Оқсув-Жабағли” дав­лат табиий қўриқ­хо­на­сини айланиб кўришлари мумкин. Шунингдек, Шимкент шаҳри бўйича экс­курсия (Дендробоғ, Мустақиллик хиёбони, Наврўз майдони, Байдибек би ёдгорлиги ва бошқалар) уюштирилади.

Бундан ташқари, вилоятда этноовул қад ростлаган. Бу жойда меҳмонларга халқимизнинг турмуш тарзи ва урф-одат­лари кенг тарғиб қилинади. Бу ерда қозоқ миллий таомларидан  татишибгина қолмай, уни ўз қўллари билан тайёрлашга ҳам шароит яратилган.