Қандайдир бир ишнинг бошини тутмоқчи ёки тадбиркорлик жабҳасида ўзингизни синаб кўрмоқчи бўлсангиз, бироқ,  маблағ масаласи қийнаётган бўл­­­­­­­­­­са, азият чекманг. Бу йил “Ёш тад­­биркор” дастури доирасида ёшларга 1 фоизлик устама ҳақ билан насия берила бошлади. Сизга қариндош-уруғларингиздан икки одам кафил бўла олишса, 2 миллион тенгегача пул оласиз.

Таъкидлаш жоизки, бу дастурда 18дан 29 ёшгача бўлганлар иштирок эта олишади. Ёзги таътилга чиққан талабаларга ҳам имкониятларини синаб кўриш учун қулай вазият бўй кўрсатмоқда. Боиси уларга 9 ойгача имтиёзлар кўзда тутилган.

Вилоят ёшлар имконият марказининг маслаҳатчиси Султан Азатнинг айтишича, ўтган йили ушбу дастур доирасида 7 фоизли насия билан 10та лойиҳа мо­лиялаштирилган экан. Бу йил эса 1 фоизли 50 лойиҳани молиялаштириш режаланган, шу кунгача 3 лойиҳанинг режаси тас­диқ­ланиб, маблағ билан таъмин­ланди. Яна бир нечта иштирок­чининг иши “Ырыс” кичик молия ташки­лотида таҳлил қи­линмоқда.

Дастурда иштирок этиш истаги бор­ларга вилоят ёшлар имконият марказининг мутахассислари ишни нимадан ва қандай бошлаш борасида маслаҳатлар бериб, бизнес-лойиҳа тай­ёрлашда кўмакка шай. Мабодо комиссия йиғилишида ўз лойиҳангизни муваффақиятли ҳимоя қила олсангиз, 1 фоизли насия олиш имконига эришасиз. У ғоянгизнинг амалга ошиб, ишингиз олға силжишига ижобий туртки беришига ишончимиз комил.