ҚР Бош вазирининг ўринбосари Женис Қасимбек Арис шаҳрига келди. Ҳукумат раҳбари ўринбосари шаҳарни қайта тиклаш ишлари ўз вақтида ва сифатли бажарилиши зарурлигини айтди.

Шунингдек, таъмир ишларини “Самұрық-Қазына” ҲЖ юритаётган ижтимоий иншоотларнинг бири – шаҳар касалхонасини кўздан кечириб, бошқа штабларнинг иши билан ҳам яқиндан танишди.

17 шўъбага бўлинган шаҳарнинг бугунги аҳволидан хабардор бўлган Ж. Қасимбек Арис шаҳрининг тикланиши юзасидан йиғилиш ўтказди. Унда республиканинг қатор вилоятлари юритаётган қурилиш ишларини тезлаштиришни топширди. Шунингдек, йиғинда мутасадди вазирликлар ва ташкилотларга Туркистон вилояти ҳокимлиги билан биргаликда “ақлли шаҳар” барпо этиш масаласини пухталашни топширди.

Тадбирнинг иккинчи қисмида Арис шаҳри аҳолиси ва унга яқин қишлоқ хўжалиги тармоқларини сув билан таъминлаш масалалари ҳам муҳокама қилинди. Шаҳарнинг қувур тизимларини ва суғориш каналларини қисқа муддатда таъмирлаш вазифасини юклади.