Минтақавий коммуникациялар хизматида ўтган брифингда Тўлебий туманининг ҳокими Бухарбай Парманов шуни маълум қилди. 

Туман раҳбари ҳудудда бажарилган ишлар ва келгуси режаларга тўхталиб ўтди. Унинг айтишича, келгусида муқобил энергияни ривожлантириш бўйича туманда 20 МВт электр энергиясини ишлаб чиқарадиган катта-кичик 10та сув электр станцияси қурилиши кўзланаётган экан.

Жорий йилда Жоғарғи Ақсу ва Сайрам дарёлари бўйида сармоя миқдори 1,5 млрд. тенгени ташкил қиладиган 5 МВт электр қуввати ишлаб чиқарадиган ГЭС фойдаланишга топширилади. Шунингдек, у давлат дастурларининг туманда муваффақиятли амалга оширилиши натижасида туман иқтисоди сезиларли даражада мустаҳкамланиб, аҳолининг турмуш шароити анча яхшиланганини ҳам маълум қилди.

– Жорий йил бюджет миқдори 17 млрд. тенгени ташкил этди. Ялпи минтақавий маҳсулот тўрт ойнинг ичида 20 млрд. тенгега етди. Асосий капиталга йўналтирилган сармоялар миқдори 1808,9 млн. тенге бўлиб, ўтган йил билан таққослаганда 104,3 фоизни ташкил этади. Саноат соҳасида жорий йилнинг тўрт ойида 7 млн. 456 минг тенгелик маҳсулот ишлаб чиқарилди. Шундан қайта ишлаш соҳасида 6 млрд. тенгедан ортиқ маҳсулот ишлаб чиқарилган бўлса, уларнинг саноатдаги улуши 87,9 фоиздир, – деди туман ҳокими.

Брифинг давомида туман ҳокими 

Б. Парманов минтақадаги 40 гектар ерга “Нұрлы жол” МЧБ қурилиш материаллари ишлаб чиқарадиган 6та корхона қуришни режалаштирганини ҳам айтиб ўтди.