Вилоят ҳокими Ў. Шўкеев раислигида мажлис ўтиб, унда ҚР Индустрия ва инфратузилмавий ривожланиш вазирининг биринчи ўринбосари Қ. Ўскенбаев қатнашди.

Қ. Ўскенбаевнинг айтишича, барча шўъбаларда ишлар муваффақиятли юритилмоқда, бирорта шўъбада иш муддатидан кечикадиган бўлса, унга ёрдам кучи сифатида вилоятлардан қўшимча мадад сўралади.

Вазир ўринбосари қурилишларда ишчилар сонини кўпайтириш зарурлигига алоҳида эътибор қаратди.

Шаҳар ва шаҳар ташқарисидаги 20 км масофадаги ҳудудни ҳарбийлар текшириб, тозалаш ишларини давом эттиришмоқда. Махсус восита ёрдамида мониторинг юритилиб, фуқаролар учун ўқ-дорилардан хавф-хатар йўқлиги таъкидланмоқда.

Бу ҳақда ҚР Мудофаа вазирлигининг вакили Р. Шпекбаев маълумот берди.

42та гуруҳдан иборат сапёрлар кучай­тирил­ган режимда ишламоқда, аҳоли муро­жаат­ларига ҳам зудлик билан етиб боради­ган навбатчилар уюштирилган.

Туркистон вилоят қурилиш бошқармаси раҳбарининг ўринбосари Е. Ахметов ша­ҳар­даги қурилиш ишлари ҳақидаги ахборот­лар­ни баён этса, вилоят молия бошқарма­си­нинг раҳ­бари А. Тасибаев 100 минг тенге на­фақа пу­лига ҳужжат топширганлар сони 99 фоиз­дан ош­ганини маълум қилди. Ҳужжатлар тек­ши­рил­гач, август ойининг бошида фуқаро­ларга ёрдам пули берила бошлайди.

Ҳар бир мутасадди раҳбар ҳисоботини тинг­­­­лаган вилоят ҳокими зиммадаги долзарб вази­фага катта масъулият билан ёндашувни та­лаб этди. Шаҳарни самарали бошқариш ва аҳо­лига қулай шароитларни яратиш учун 17та шўъбани келажакда ҳам қолдириш зарурлигини та­­­­­­­­­­­­­йинлади. Режадан кечикиб бораётган шўъба­лар ишини тезлаштириш таъкидланди.