Арисда олиб борилаётган қурилиш ишлари юзасидан брифинг ўтди. Унда шаҳар ҳокими Мурат Қадирбек ишлар талабга мувофиқ юритилаётганини таъкидлади.

– Шаҳар аввалги ҳолатига қайтмоқда. Уч мингдан зиёд ишчига маҳаллий фуқаролар ҳам ёрдам беришмоқда. Ҳо­зирги кунда 340та уй таъмир­ланди. Ҳукумат томонидан арислик­­ларнинг ҳар бирига ажратилган 100 минг тенгени олиш учун 90 фоиз ҳужжатлар расмий­лаш­­­­­­­тирилди, – деди у. 

ҚР Мудофаа вазирлигининг вакили Қайиргелди Хусаинов шаҳар ҳудуди ва ҳарбий қисм­дан 20 чақирим узоқликда текшириш ва тозалаш иш­лари олиб борилаётганини, радиация хавфи йўқлигини маълум қилди. Шунингдек, шаҳардан 60 чақирим узоқликда ўқ-дориларнинг портламай қол­ган қисмларини бартараф этиш бўйича режали ишлар бажарилмоқда. Эрталаб соат 9.00дан 18.00га қадар порт­лаш овозлари эшитилиши мум­кинлиги, шунингдек, у аҳоли­га хавф туғдирмаслигини таъкид­­­­­лади. 

Туркистон вилоят полиция департаменти маъмурий бош­қармасининг раҳбари Алмасхан Тастанбеков шаҳар атро­фи­да тартиб соқчилари мунтазам ишлашаётганини, ҳу­қуқни муҳофаза этиш ва ижтимоий хавф­сизликни таъминлашга йў­нал­тирилган ишлар йўлга қў­­­­­­­­йилганини айтди. 

Ёлғон ва фитна маълумот тарқатиш бўйича 10 киши жавоб­гарликка тортилганини ҳам тасдиқлади бошқарма раҳбари.