Президент Қасим-Жўмарт Тўқаевнинг топшириғини амалга ошириш мақсадида 2019 йилнинг 3 июль ва 30 сентябри оралиғида ўтказиладиган анъанавий “Мактабга йўл” республика хайрия акцияси бошланди. 

Бу ҳақда минтақавий коммуникациялар хизматида ўтган брифингда Туркистон вилоят инсон салоҳиятини ривожлантириш бошқармаси бошлиғи вазифасини бажарувчи Ардақ Садиқова маълум қилди.

– 2019-2020 ўқув йилида кам таъминланган оила фарзандларини тўлиқ қамраб олиш мақсадида “Мактабга йўл” хайрия тадбири июль ойидан бошланди. Акциянинг мақсади – кам таъминланган ҳамда кўп болали оилалар, етим ва ота-она ғамхўрлигисиз қолган ўқувчиларга янги ўқув йилига тайёргарлик борасида ёрдам беришдир – деди Ардақ Мадиханқизи. – Ўтган 2018-2019 ўқув йилида тадбир доирасида вилоят бўйича 25509 кам таъминланган ҳамда кўп болали оилалар, етим ва ота-она ғамхўрлигисиз қолган болаларга 201 млн. 456 минг 101 тенге миқдорида моддий ёрдам кўрсатилди. Шундан 3807 болага бюджет ҳисобидан – 483 251 тенге, қолган 21702 болага ҳомийлар ҳисобидан – 200 млн. 972 минг 850 тенге кўламида моддий ёрдам берилган.