Қозоғистон Президентининг онлайн тизимидаги қабулхонаси очилди.

ҚР Президенти мамлакат аҳолисига мурожаат қилиб, Ақўрда сайтида янгидан иш бошлаган қабулхонаси орқали унга саволлар йўллаш мумкинлигини қайд этди.

Давлат раҳбари бу ҳақдаги ахборотни ўз Instagram-аккаунтида эълон қилди.

Ҳурматли ўқувчилар! Менинг саҳифамда обуначиларим минглаб шарҳ ва саволлар ёзиб қолдиришади. Кўпинча долзарб муаммолар кўтарилади, ваҳоланки, уларни ҳал этиш учун тизимли равишда ишлаш тақозо этилади. Ҳар ким шарҳ ёзиб қолдирар экан, мурожаатига эътибор бўлади, деб умид қилади. Лекин, менимча, буни ўзингиз ҳам яхши биласиз, ижтимоий тармоқлардаги ҳар бир ёзувга жавоб бериш мумкин эмас, албатта. Жамоатчилик билан ўзаро муносабатларни яхшилаш ҳамда фуқароларнинг талаб-истакларига мувофиқ фаолият юритиш мақсадида www.akorda.kz сайтида менинг қабулхонам очилди. 

Ушбу қабулхонага кўплаб мактублар келиб тушмоқда, уларда мамлакат фуқаролари шахсий ёки кенг жамоатчиликка оид масалаларни ёритишмоқда. Ҳар битта хат расман рўйхатга олинади ва шахсан ўзим ҳамда Маъмурият ходимлари томонидан кўриб чиқилади.

Онлайн қабулхона ҳар бир фуқарога ўз саволини йўллаб, ҳуқуқий кучга эга тегишли жавобини олиш имконини беради.