Қозоғистонда 2020 йил 1 январдан болаларга рецепт асосида тайинланадиган дорилар, бепул бўлади. Буни ҚР Соғликни сақлаш вазири Е. Биртанов журналистларга берган мусоҳабасида маълум қилди.

– Келаси йил бошидан болаларга рецепт асосидаги дориларни тиббий суғурта ҳисобидан бепул беришни мўлжаллаяпмиз. Кейин эса аҳолининг ижтимоий ночор қатламлари ўртасида бундай дориларни олувчилар сафини кенгайтирамиз. Зеро, улар ҳам давлат ҳисобидан суғурта қилинган ва шу тоифадагиларни дорилар билан тўлиқ қамраб оламиз, – деди Е. Биртанов.

Вазирнинг айтишича, бугунги кунда рецепт асосида бериладиган дориларнинг умумий ҳажми 300 млрд. тенгега яқин бўлиб, унинг атиги учдан бир қисмини давлат қопларди.

– Тиббий суғурта шароитларида, у келаси йилдан бошланади, мавжуд жамғармалар ҳисобига икки йил мобайнида беморларимизни рецепт асосида бериладиган ҳамма дорилар билан тўлиқ қамрай оламиз, – қайд этди вазир.

Вазирнинг айтишича, шифокорнинг ҳар қандай рецепти тиббий суғурта ва бепул тиббий ёрдамнинг кафолатланган ҳажми ҳисобига тўлиқ ёки қисман давлат томонидан таъминланиши мумкин.

– Бу – ўз ҳисобидан дори сотиб олишнинг кераги йўқ, унинг ҳаммаси тиббий суғурта билан қопланади, демакдир. Яъни, бу халқаро тажриба бўлиб, унда шифокор даволайди, дорилар эса тиббий суғурта ҳисобидан харид қилинади. Биз бунга ниҳоят етиб келдик. Янги шароитда биз бу муаммони тўла ҳал этиш учун, керакли маблағни оламиз, – деб таъкидлади вазир.