Туркистон вилояти Жетисай туманида таҳсинга лойиқ бун­­­­ёдкорлик ишлари давом этмоқда. Жанааул округига қарашли Интимақ қишлоғида хусусий тадбиркор Б. Шавкеев 2 қаватли диагностика марказини қурмоқда. Ҳудуди кенг иншоот қури­лиши апрель ойида бошланган. Бугунги кунда 14 қурувчи уч сменада ишламоқда.

– Барпо этаётган иншоотимиз диагностика маркази бўлади. Келгусида аҳолига маслаҳат ва даволаш-ташҳис хизматини кўр­сатиш турларининг кенг тар­моғини таклиф этамиз. Марказ замонавий юқори технологик тиббиёт ускуналари билан жи­ҳоз­­­­ланади. Беморларга олий тоифали шифокорлар маслаҳат беради. Бунга қадар Шимкент, Туркистон шаҳарларига бориб,  тиббий кўрикдан ўтаётганларнинг бундан буён бизнинг  марказда текширилишига имконият ярати­лади, – дейди С. Шавкеев.

Шавкеевлар авлоди бундан 3 йил муқаддам Жанааул аҳо­ли манзилида ўз маблағи ҳисо­бидан 150 ўринли замонавий боғча очиб берган эди. Қишлоқ аҳолиси боғча фаолиятидан мамнун. Ҳозирги кунда бу ерда 150 бола тарбияланса, яна 60 кичкинтой навбатда турибди. 

Шу­ни эътиборга олган Сар­дор Бахтиярули апрель ойида боғча қошида 150 ўринли мак­табгача тайёрлаш маркази қу­рилишини бошлаб юборди. Айни кунда иншоотнинг 2-қавати қурилмоқда. Мазкур бинони декабрь ойида фойдаланишга топшириш  кутил­моқда.

Шавкеевлар авлодининг бар­чага ибратли хайрли иш­ларидан жанааулликлар миннатдор.