Ўзбекистонда Қозоғистон йили доирасида Туркистон вилояти ҳокимлиги Ўзбекистон Республикаси сайёҳликни ривожлантириш қўмитасининг қўллови билан Тошкент ва Бухоро шаҳарларида Road show уюштирди.

Тадбирда туризм соҳасидаги давлат ва 70дан зиёд сайёҳлик ташкилотлари вакиллари қат­нашди. Унда Туркистон вилоя­тининг сайёҳлик салоҳияти та­ништирилди. Ўзбекистон сай­ёҳлик идоралари орасида катта қизиқиш уйғотган тақдимотдан кейин ўн­дан зиёд шартнома имзоланди, шунингдек, ҳам­корликдаги сай­­­ёҳлик йўна­лиш­ларини ташкил этишга келишиб олинди.

Туркистон вилояти делега­цияси Тошкент шаҳридаги “Сузук ота” ҳу­нармандлар маркази, Бухоро шаҳридаги “Бозори корд” темирчи-ус­талар ва “Пойи калон” чеварлар маркази фаолияти билан танишиб, самарали би­тим­лар тузилди.

Чунончи, “Сузук ота” ҳунар­манд­лар маркази 5 гектар май­дон­ни эгаллайди, қурилиши 2017 йилда бошланиб, 2019 йилнинг май ойида фойдаланишга бе­рилган. Марказда 30дан зиёд ус­тахона фаолият юритади. Бу ерда асосан, ёғоч ўймакорлиги йў­налишида иш олиб борилади. Та­рихдан маълумки, Сузук ота – Аҳ­­мад Яссавийнинг севикли наби­­раси.