Янги ўқув йилида ўқувчи­ларимизни бир қанча ўзга­ришлар кутяпти. Янги ўзга­ришлар 4, 9 ва 10-синф ўқув­чи­ларига дахлдордир.

Биринчи сентябрдан бошлаб 4, 9 ва 10-синф ўқувчилари таълимнинг янгиланган дастури­га ўтишади. Бу Қозоғистон мак­­таб­ларида 12 йиллик таълим тизи­мини жорий этиш доирасида амал­га оширилади. 2016 йилдан бошлаб Назарбаев заковат мак­таби тажрибасига мувофиқ ишлаб чиқилган янгиланган дастурга 1, 2, 3, 5, 6, 7 ва 8-синфлар ўтган эди. 12 йиллик таълимга ўтиш тузил­масининг ўзи бошланғич мак­табдаги таълим муддатини бир йилга (1-5 синфлар) ошириш,  асосий ўрта ва умумий ўрта таълим муддатини сақлаш ҳисо­бига таъминланади.

ҚР Таълим ва фан ва­зири Асхат Аймағамбетов таъкид­лаганидек, ўқувчилар бирор бир сезиларли ўзгаришларни ҳис этишмайди.

– Тўртинчи синф ўқувчилари янгиланган таълим таркиби би­лан яхши таниш, зеро биринчи синфдан шу негизда сабоқ олиш­япти. Таълим дастурлари тасдиқ­ланган ва болалар синфдан синф­га ўтиш пайтида янги дас­турга кў­чишяпти, – тушунтирди вазир.

Ўнинчи синф дастурига янги  фан “Тадбиркорлик ва бизнес асос­лари” киритилган.

Таълим вазирлиги мутасадди­лар­нинг фикрича, мазкур фан юқори синфларга келажакда  касб танлашда ёрдам беради.

12 йиллик таълим Қозоғистонга нима учун керак?

12 йиллик таълимни 2021-2022 йилларда жорий этиш мўл­жал­ланмоқда. Дастур тасдиқ­лан­­га­нидан сўнг давлат таълими умум­мажбурий анда­залари ҳам­да ўқув режаларига тегишли ўз­гар­тишлар киритилади. 

12 йиллик таълимга ўтишнинг  асосий вазифаси юқори бўғин мактаб ўқувчиларининг касбий таъли­мидир.

Шундай қилиб, 10-11-синф ўқув­чилари бўлажак касбига тайёр бў­лиш учун фанларни ўзларини тан­­­­лай олишади.