Арис фуқаролари ша­ҳарни аслига келтиришда иш­тирок этиб, ойига 150 минг тен­ге меҳнат ҳақи олиш­ла­ри мумкин. ҚР Меҳ­нат ва аҳо­ли­ни ижтимоий ҳи­­­­­­­моя қи­лиш вазири Бердибек Сапарбаев ҳамда ҚР Мудофаа вазири Нурлан Ермекбаев Туркистон вилояти Арис ша­ҳар фах­рийлар кенгаши аъзо­лари би­лан учрашди.

Унда қатор муҳим маса­лалар, шу жумладан, Арис фуқароларини ишга жойлаш­тириш масалалари ҳам муҳокама қилинди.

– Меҳнат вазирлиги ҳамда Туркис­тон вилояти ҳокимлиги шаҳар аҳо­лисини ишга жойлаштиришда ҳам­да хусусий касбини очишда ёр­дам кўрсатади. Ҳеч ким ишсиз қол­май­ди. Бу масала алоҳида назо­рат­га олинган, – дея таъкидлади Б. Сапар­баев.

Шу билан бирга, у шаҳарни аслига келтириш, уй-жой, ижти­моий ҳамда инфратузилмавий иншо­отларни таъмир­лаш ишларида арислик­ларнинг ўзларини ҳам фаол иштирок этишга даъват этди.

– Бажариладиган  ишлар учун маош тўланади, бир ойда ўрта ҳисобда 150 минг тенге топиш мумкин. Диванда ётиб олиб, яхши натижаларга эришиш мумкин эмаслигини ҳамюртларга ет­казишингизни сўрайман. Давлат бе­­­­раётган имкониятлардан имкон қадар фойдаланиш керак, – деди вазир.

Маҳкама раҳбари Арис турғунла­рини турли иғвогарлар ортидан эрга­шиб кетмасликка чақирди.

– Баъзи ҳамюртларимиз ёлғон ахбо­ротларга ишониб, хатарли йўлни тут­моқда. Иғвогарларнинг этагига ила­кишиб кетмаслик керак! – деди Бер­дибек Машбекули.