Арис шаҳрида портлашлардан зарар кўрган уйларнинг 90,7 фоизида таъмирлаш ишлари тўлиқ тугалланди. Шаҳарда қурилиш ишлари тасдиқланган режага мувофиқ олиб борилмоқда. Аммо уй эгаларининг розилик бермаганлиги сабабли, 53та уйда тузатиш ишлари ҳамон бошланмаган. Буни журналистлар учун ўтказилган матбуот анжуманида ҚР Индустрия ва инфратузилмавий тараққиёт вазирининг ўринбосари Қайирбек Ўскенбаев маълум қилди.

“Арис шаҳрида уйлар сони 8634та. Фавқулодда вазиятдан ке­­йин 7197та уйнинг таъмирга муҳ­­­тожлиги аниқланди. 433та уй эса янгидан қуриладиган бўлди. Бугунги кунгача 6924та уй таъмирланди. Ҳозиргача 101та уйда ишлар бош­ланмади, 53та уй эгалари таъмир­лаш ишларига розилик бермаяпти”, деди Қ. Ўскенбаев.

Арис шаҳри ҳокими Мурат Қа­дирбекнинг айтишича, 420та ху­сусий, 3та кўп қаватли уйни қай­та қуриш ишлари бошланган. Мав­зеларда вилоят, шаҳарлардан кел­ган 7579, туманлардан эса 315 иш­чи меҳнат қилмоқда.

Арисликларга 14 августдан бош­лаб 100 минг тенгедан ёрдам пули бериш бошланади. Бугунги кунда 57171 кишининг яшаш манзили аниқ­ланган. Аҳолига қулайлик яра­тиш мақсадида шаҳарда ишлаб турган 10та банкомат қаторига яна 8таси қўшилади. 

Туркистон вилоят полиция де­­пар­­таменти маъмурий полиция бош­­­­­­­қармаси раҳбари Ал­мас Тастан­­­­­­­­­­беков эса ҳуқуқбузар­лик­ларнинг ол­­­дини олиш ва жа­моат тар­ти­бини сақлаш мақсадида полициячилар ку­­­ну тун нав­­­­­­батчи­лик қилаётганини маълум қил­­­­­­­­­­ди.