Арис шаҳри ва Ўрдабоши туманининг маъмурий-минтақавий қурилишига ўзгартириш киритилади

Туркистон вилояти ҳокими Ўмирзақ Шў­кеев ва вилоят маслаҳати сессияси раиси Лес­бек Ташимов шундай қарорга келишди. 1993 йил 8 декабрдаги “Қозоғистоннинг маъмурий-минтақавий қурилиши тўғрисида” қонунининг 11-моддасига биноан, Арис шаҳ­ри ва Ўрдабоши тумани ҳокимликлари ва маслаҳати тавсияси асосида Туркистон ви­лояти ҳокимлиги ҳамда Туркистон вилоят маслаҳати қарор қабул қилди”, – дейилади те­гишли қарор лойиҳасида.

Ҳужжатга биноан, биринчидан, ер алма­ши­лади. Арис шаҳрининг Ақдала қишлоқ ок­ругидан 500 гектар ер Ўрдабоши тумани тасарруфига киритилади. Шунга мувофиқ, Ўр­дабоши туманининг 500 гектар ери, яъни Бўржар қишлоқ округи Арис шаҳри та­сар­руфига ўтказилади. Шундай қилиб, Арис шаҳ­ри ва Ўрдабоши туманининг маъмурий чега­ралари ўзгаради.

Иккинчидан, Қўжатўғай қишлоқ округи 491 гектар ери билан бирга Арис шаҳрининг маъмурий майдонига киради. Бунгача у Арис шаҳрига тегишли бўлгани билан алоҳида қишлоқ бўлган. 

ОАВ эътиборидан четда қолаётган Қўжа­тўғай қишлоғи аҳолисининг аҳволи кўпроқ эътибор талаб қилади. Умуман, бу қишлоққа эътибор берилса, келажаги нурафшон бўлади. Чунки бу ерда 5та мактаб бор. Бугунги кунда Арис шаҳрига қарашли қишлоқлар қаторига фа­қат олтитаси – Ақдала, Байирқум, Дермене, Жидели, Қўжатўғай, Мўнтайтас қишлоқлари киради.