Қозоғистон Президенти Қ. Тўқаев халққа илк Мактубини йўллади. 

Маълумки, ҳар сафар Давлат раҳбари ўз халқига анъанавий Мактубини эълон қилгач, мамлакатда катта ўзгаришлар юзага келади. Ҳукумат аниқ топшириқлар асосида келажакда амалга ошириладиган ишларини аниқлаштириб олади. Бу сафар Қозоғистоннинг иккинчи Президенти шаклланган анъанани бузмаган ҳолда, Парламент, Ҳукумат ва Суд ҳокимиятига тегишли вазифалар юклатди. Жумладан, келаси йилдан бошлаб устозлар маоши 25 фоизга ўсишини маълум қилди: “Мен Август анжуманида келаси тўрт йил мобайнида муаллимлар иш ҳақини икки ҳиссага ошириш вазифасини топширдим. Бу 2020 йилдан бошлаб устозлар иш ҳақи 25 фоизга ортади деган сўз”. Шунингдек, 5 фоиз миқдоридаги қўшимча пенсия тўловини жорий этиш масаласи ҳам кейинга қолдирилди. Бу масала Ҳукумат, бизнес вакиллари, таҳлилчиларнинг ўзаро иш-ҳаракатлари натижаларидан сўнг қайта кўриладиган бўлди.

 Мен, минтақадаги энг йирик нашр – “Оңтустік Қазақстан” вилоят газетасининг бош муҳаррири сифатида ушбу янгиликларни қувона-қувона қабул қилдим. Бошқаларни ҳам янги Президентимизнинг Мактубини қўллаб-қувватлашга даъват этаман.