Давлат раҳбари Қасим-Жўмарт Тўқаевнинг
Қозоғистон халқига Мактуби
Ҳурматли ватандошлар!
Ҳурматли депутатлар, ҳукумат аъзолари!
Ҳаммангизни янги парламент мавсумининг бошланиши билан табриклайман!
Биз мамлакатимизнинг янги тарихидаги муҳим довонга яқинлашмоқдамиз.
Ўттиз йилча муқаддам халқимиз ўз Мустақиллигини эълон қилиб, боболаримиз асрлар бўйи қилган орзуларини рўёбга чиқарди.
Шу вақт ичида Қозоғистоннинг Тўнғич Президенти – Элбоши Нурсултан Абишули Назарбаев раҳнамолигида мамлакатимиз жаҳондаги обрўли ва барқарор давлатга айланди.
Метиндай бирлигимиз туфайли мустақиллигимизни мустаҳкамлаб, халқимизнинг шароитларини яхшилашга йўл очдик. Бу бунёдкорлик ва олға силжиш, тинчлик ва тотувлик даври бўлди.
Мамлакатимизнинг ривожланиш йўлини бутун жаҳон тан олиб, уни Қозоғистоннинг, яъни Назарбаевнинг модели деб атади. Ҳозир бизга Мустақилликнинг ютуқларини ошириб, элимизни ривожланишнинг янги сифат босқичига кўтариш имконияти берилди.
Биз бунга Элбоши сиёсатининг давомийлигини сақлаб, изчил ислоҳотлар ўтказиш орқалигина эриша оламиз.
Ўзингизга маълумки, буларнинг ҳаммаси менинг сайловолди дастуримга негиз бўлган.
Ҳозир давлат органлари уларни амалга ошириш учун тегишли ишларни олиб бормоқда.
Мен халққа берган ваъдаларимни, албатта, адо этаман.
Биз фаолиятимизда Элбоши томонидан ишлаб чиқилган Бешта институционал ислоҳот ва Миллат Режасини тўлиқ амалга ошириш заруриятидан келиб чиққанимиз мақсадга мувофиқдир.
У томонидан тузилган Модернизациялаш бўйича миллий комиссия ишини янгилаш лозим.
Маърузамнинг давомида олдимиздаги умумий вазифалар, шу жумладан сайловолди дастуримнинг амалга оширилиши ҳақидаги фикр-мулоҳазаларимни айтиб ўтмоқчиман.
I. ЗАМОНАВИЙ САМАРАЛИ ДАВЛАТ
Мен ваъда қилган сиёсий ўзгаришлар аста-секин ва изчил, давлатимиз ва халқимизнинг манфаатларини ҳисобга олган ҳолда амалга оширилади.
Жаҳон тажрибаси шундан далолат берадики, кутилмаган, ноизчил сиёсий эркинлаштириш ички сиёсий вазиятнинг бузилишига ва ҳатто давлатчиликнинг йўқотилишига олиб келади.
Шунинг учун биз сиёсий ислоҳотларни “олдинга югуриб кетмасдан”, лекин изчил, қатъий ва мушоҳада билан амалга ошира борамиз.
Бизнинг асосий қоидамиз шу: мамлакатнинг ижтимоий-сиёсий ҳаётини янгиламасдан туриб, муваффақиятли иқтисодий ислоҳотларга эришиб бўлмайди.
“Кучли Президент – нуфузли Парламент – ҳисоб берувчи Ҳукумат”. Бу ҳали бўлмади, бироқ биз у томонга жадал суръатлар билан ҳаракатланишимиз керак бўлган мақсаддир.
Сиёсий тизимнинг ушбу формуласи давлат барқарорлигининг гаровидир.
Бизнинг умумий вазифамиз – “Тингловчи давлат” концепциясини ҳаётга татбиқ этиш, у фуқароларнинг барча амалий талаб-истакларига тезкорлик билан, самарали эътибор қаратади. Ҳокимият ва жамиятнинг доимий мулоқотига эришиш йўли билангина замонавий геосиёсатга қоришиб кетадиган мувофиқ давлатни барпо этиш мумкин.
Шунинг учун фуқаролик жамиятини қўллаб-қувватлаш ва мустаҳкамлаш, уни энг долзарб умумдавлат вазифаларини ҳал қилишга жалб этиш лозим. Ўз таркибига кўра ваколатли Ижтимоий ишонч миллий кенгаши айнан шунинг учун тузилди, у алмаштириш қоидаси бўйича ишлайди.
Яқин вақт ичида қуйидаги чораларни амалга оширишимиз керак.
Биринчи. Партиявий қурилиш жараёнини давом эттириш
“Nur Otan” партияси, унинг Раиси, Элбошимиз Нурсултан Абишули Назарбаев туфайли мамлакатнинг етакчи сиёсий кучи бўлишдек мураккаб ва масъулиятли вазифани изчил бажариб келмоқда.
Биз жамиятнинг фаровонлиги йўлида амалий сиёсат олиб бораётган бошқа сиёсий партиялар ва ҳаракатлар билан ҳам ҳамкорлик қилишимиз керак.
Жамиятимизни ташвилантирувчи асосий муаммолар кўчаларда эмас, айнан Парламентда ва фуқаровий мулоқот доирасида муҳокама қилиниши ва ҳал этилиши лозим.
Депутатларнинг ўз қонуний ҳуқуқларидан фойдалана олишлари мумкин ва керак, шу жумладан, энг долзарб муаммоларни Ҳукуматга йўллаб, уни ҳал этиш учун амалий чоралар қўллашни талаб этишга ҳақли.
Бир вақтнинг ўзида қонун чиқарувчи ва ижро ҳокимиятлари ўртасидаги муносабатлар ўзаро ҳурматга асосланган, амалий, сунъий зиддиятларсиз бўлмоғи керак.
Давлат раҳбари сифатида менинг вазифам мамлакатда кўппартиявийлик, сиёсий рақобат ва фикрлар хилма-хиллигини ривожлантиришга кўмаклашишдан иборат.
У узоқ муддатли келажакда сиёсий тизимнинг барқарорлиги учун муҳимдир.
Парламент Мажлиси ва маслаҳатларга навбатдаги сайловлар мамлакатда кўппартияли тизимни янада ривожлантиришга имкон бериши лозим.
Иккинчи. Аҳоли билан самарали қайта алоқа
Ижтимоий мулоқот, очиқлик, одамларнинг эҳтиёжларига жадал эътибор қаратиш давлат органлари фаолиятидаги асосий устуворликлар ҳисобланади.
Президент маъмуриятида давлат органларининг фуқаролар мурожаатларини кўриб чиқиш сифатини назорат қиладиган ва улар бўйича тезкор чоралар кўрадиган бўлим ташкил этилди.
Марказда ва жойларда амалдорларнинг “карлиги” ва ёпиқлиги туфайли одамлар кўпинча Президентга мурожаат қилишга мажбур бўлмоқдалар.
Бирор бир соҳада қарорларнинг адолатсизлиги натижасида кўп бор шикоятлар тушаётгани муайян бир давлат органи ёки минтақада талай муаммолар борлигини англатади. Эндиликда бундай ҳолатларга юқорида айтилганидек ёндашиш ва тегишли қарорлар қабул қилиш керак.
Давлат хизматчилари иш самарадорлигини ошириш учун уларнинг қаторига тайёрланган ёш кадрларни жалб этиш зарур.
Шу билан бирга 2020 йилдан бошлаб биз давлат хизматчилари сонини аста-секин қисқартиришга киришамиз, ортиб қолган маблағни энг керакли ходимларни моддий рағбатлантиришга сарфлаймиз.
2020 йилга бориб давлат хизматчилари ва миллий компаниялар ходимлари сони 25 фоизга қисқариши лозим.
Учинчи. Митинглар ҳақидаги қонунларни такомиллаштириш
Конституцияга кўра бизнинг фуқаролар эркин хоҳиш билдириш ҳуқуқига эга.
Агар тинч мақсаддаги акциялар қонун ва фуқаролар тинчлигининг бузилишини кўзламаса, уларга пешвоз чиқиш ва қонунда белгиланган тартибда уларни ўтказишга рухсат бериш, бунинг учун махсус жойлар ажратиш зарур.Фақат шаҳар четидан эмас.
Бироқ Конституцияга хилоф ҳаракатларга ҳар қандай даъватлар, безорилик акциялари қонун доирасида чекланади.
Тўртинчи. Ижтимоий тотувликни мустаҳкамлаш
Ижтимоий ва этник гуруҳлар ўртасидаги тотувлик – бутун жамият умумий меҳнатининг натижасидир. Шундай экан, сиёсий жараёнларни таҳлил қилиб, бирлигимизни янада мустаҳкамлаш учун аниқ чоралар қабуллаш керак.
Қозоқ халқининг давлат қурувчи миллат сифатидаги ролини мустаҳкамлаб, этнослараро тотувлик ва динлараро тушунишни шакллантира боришимиз лозим.
Бизнинг тамойилимиз: Эл бирлиги – унинг ранг-баранглигида!
Мамлакатимиздаги этник гуруҳларнинг тили ва маданиятини ривожлантиришга шароитлар яратиб бераверамиз.
Қозоқ тилининг давлат тили сифатидаги роли кучайиб, миллатлараро алоқа тилига айланадиган даври келади, деб ўйлайман. Бироқ бундай даражага эришиш учун барчамиз шовқин-сурон солавермай, ҳамжиҳатликда ишлашимиз керак.
Шу билан бирга тил улкан сиёсат қуроли эканини ҳам эсдан чиқармаган маъқул.
Фаол фуқаролик жамиятини барпо этиш учун ноҳукумат ташкилотларнинг нуфузини ошириш лозим, деб ҳисоблайман.
Шунинг учун яқин вақт ичида фуқаролик жамиятини ривожлантиришнинг 2025 йилгача бўлган концепциясини тайёрлаб, қабул қилишимиз керак.
Келаси йили нишонланадиган муҳим юбилейлар ва унутилмас воқеаларга тайёргарлик ишлари бошланди. Келгуси йилда ҳаммамиз Ал Форобийнинг 1150 йиллик, Абай Қунанбайулининг 175 йиллик юбилейларини нишонлаймиз. Бу тўйлар давомида исрофгарчиликка йўл қўймаган ҳолда алломаларимизнинг асарларини халқ орасида тарғиб қилишимиз зарур.
Шунингдек, энг аҳамиятли айём – Мустақилликнинг ўттиз йиллигига бағишланган тегишли чора-тадбирларни амалга оширишимиз керак.
Мамлакат ҳаётидаги ана шундай оламшумул воқеалар чинакам ватанпарварликни тарбиялашга йўл очади, деб ишонаман.
II. ФУҚАРОЛАР ҲУҚУҚЛАРИ ВА ХАВФСИЗЛИГИНИ ТАЪМИНЛАШ
Суд ва ҳуқуқни муҳофаза қилиш тизимидаги чуқур ислоҳотлар фуқароларнинг ҳуқуқларини ҳимоя қилиш ва улар хавфсизлигини кучайтиришнинг муҳим омилидир. Суд қарорлари сифатини яхшилаш юзасидан қатор жиддий чораларни амалга ошириш лозим.
Судянинг қонундан ва ички эътиқодидан келиб чиққан ҳолда қарор чиқариш ҳуқуқи ўзгармай қолади. Бинобарин, суд қарорларини пухта таҳлил қилиш, суд амалиётининг бир хиллигини таъминлаш мақсадга мувофиқдир.
Ҳокимият органлари қарорлари ва ҳаракатларидан норози бўлиб, ўтказган оммавий-ҳуқуқий баҳсларда фуқаролар кўпинча тенг бўлмаган шароитларда қолмоқдалар. Уларнинг имкониятларини давлат девони имкониятлари билан таққослаб бўлмайди.
Шунинг учун ана шу тафовутни мувозанатлаштирадиган, баҳсларни ҳал этишнинг алоҳида механизми сифатида маъмурий адлияни жорий этиш даркор.
Бундан буён довларни ҳал этишда суд қўшимча далилларни тўплаш ҳуқуқига эга, уларни йиғиш учун жавобгарлик фуқарога ёки бизнесга эмас, давлат органига тушади.
Қонундаги барча зиддиятлар ва ноаниқликлар фуқаролар фойдасига ишлаши керак.
Шу ўринда қуйидаги муҳим масалага тўхталиб ўтмоқчиман. Биз одил суднинг ҳаддан ташқари қатағон чоралари ва қатъий жазолов амалиётидан воз кечдик. Аммо мамлакатда кўплаб оғир жиноятлар ҳамон учраб турибди.
Биз қонунларни инсонпарварлаштиришга қизиқиб кетди-гу, бир вақтнинг ўзида фуқароларнинг асосий ҳуқуқларини назардан четда қолдирдик.
Шошилинч турда жинсий зўравонлик, педофилия, гиёҳванд моддалар тарқатиш, одам савдоси, турмушда аёлларга нисбатан зўрлик ва шахсга қарши, айниқса, болаларга қарши бошқа оғир жиноятлар учун жазони кучайтириш керак. Бу менинг Парламент ва Ҳукуматга топшириғимдир.
Яқинда содир бўлган фожиали воқеалар уюшган жиноятчиликнинг энг хатарли шаклларидан бири сифатида браконьерлик муаммосини ҳам очиб ташлади. Браконьерлар шайланган, қуролланган, ўзларининг жазоланмаслигини ҳис этадилар. Фақат шу йилнинг ўзида уларнинг қўлидан ҳайвонот оламини муҳофаза қилувчи икки нафар инспектор ҳалок бўлди.
Яқинда Шарқий Қозоғистон вилоятидаги Марқакўлда браконьерлар тўдасининг жиноий фаолиятига чек қўйилди. Бу фақат алоҳида ҳолатлар, бироқ браконьерлик чуқур илдиз отган, бунда ҳуқуқни муҳофаза қилиш органларининг боқибеғамлиги ҳам кўмаклашган. Браконьерлар бизнинг миллий бойлигимиз – табиатни аёвсиз яксон қилмоқдалар.
Ҳукуматга икки ой мобайнида тегишли қонунларни қатъийлаштириш юзасидан шошилинч чоралар кўришни топшираман.
Уюшган жиноятчиликка қарши изчил кураш масаласи ҳам кун тартибидан тушмаяпти. Таҳлилчилар ва жамоатчилик иштирокида Марказий ва маҳаллий органлар меъёрий-ҳуқуқий ҳужжатлари лойиҳаларининг коррупцияга қарши таҳлилини қайта тиклаш лозим. Уюшган жиноятчилик содир бўлган маҳкама биринчи раҳбарининг жавобгарлигини қонуний ва меъёрий жиҳатдан тартибга солиб қўйиш мақсадга мувофиқдир.
Шунингдек, коррупцияга қарши органлар ходимларининг ноқонуний иш усуллари ва провокация ҳаракатлари учун қатъий жавобгарлигини кўзда тутиш лозим. Бундайларга тергов амалиётида ўрин бўлмаслиги керак.
Айбсизлик презумпцияси қоидаларига тўлиқ амал қилиниши зарур. Ҳуқуқни муҳофаза қилиш тизимини тўлақонли ислоҳ этиш энг долзарб вазифалардан бири бўлиб турибди.
Полициянинг давлат куч воситаси сифатидаги образи аста-секин ўтмишга кетмоқда, у фуқароларнинг хавфсизлигини таъминлашда уларга хизмат кўрсатадиган орган бўлиб қолади.
Биринчи босқичда 2020 йил охирларигача Маъмурий полиция қўмитасининг ишини қайтадан ташкил этиш зарур. Буни сифатли ва ҳайбаракаллачиликсиз амалга ошириш лозим.
Полициячилар ишининг самарадорлиги полиция хизматининг ўз обрўсига боғлиқ.
ИИВ ислоҳотига келаси уч йил мобайнида 173 млрд. тенге йўналтирилади. Ушбу маблағ иш ҳақини ошириш, уй-жойни ижарага олиш, АХКМ қоидаси бўйича ишлайдиган замонавий полиция фронт-офисларини ташкил этишга сарфланади. Фуқароларни табиий офатлар ва техноген ҳалокатлардан ҳимоя қилиш масалаларига ҳам алоҳида эътибор берилади. Афсуски, улар нафақат бизнинг мамлакатда, балки, бутун жаҳонда тез-тез содир бўлмоқда. Ушбу соҳада профессионал кадрлар ишлашлари керак.
Ҳукуматга ИИВни ислоҳ қилишга ажратилган маблағ ҳисобидан Фуқаро мудофааси ходимларининг маошини оширишни ва ана шу мақсадга 40 млрд. тенге йўналтиришни топшираман.
Олдимизда янги концепция асосида жангга қобилиятли армияни шакллантириш вазифаси турибди.
Арисдаги воқеалар Қуролли кучларда жиддий муаммолар тўпланиб қолганини кўрсатди. Барча ҳарбий харажатларни тартибга солиш, армияда молиявий ва умумий интизомни мустаҳкамлаш керак. Бир вақтнинг ўзида ҳарбий хизмат нуфузини, Қуролли кучлар моддий таъминотини яхшилаш зарур.
Касбий жиҳатдан тайёрланган, Ватанга содиқ зобит кадрлар ва ҳарбий хизматчилар билан бутланган армиямиз янги геосиёсий воқеликда мамлакат хавфсизлигига хатарларни бартараф этишга шай туриши шарт.
III. ЖАДАЛ РИВОЖЛАНГАН ВА ИНКЛЮЗИВ ИҚТИСОДИЁТ
Қозоғистон иқтисодиёти дунёвий сифатдаги қийинчиликларга қарамасдан олға силжиб бормоқда.
Йил бошидан бери унинг ўсими жаҳондаги ўртача кўрсаткичдан юқори бўлди.
Агар тегишли тузилмавий ўзгаришларни амалга оширсак, 2025 йилга бориб ички ялпи маҳсулотнинг йил сайинги барқарор ўсимини 5 фоиз ва ундан юқори даражага етказиш мумкин.
Иқтисодиётнинг ривожланишига янгича жўшқинлик бериш учун Ҳукумат ва Президент Маъмурияти мамлакат ва хориж таҳлилчиларининг барча ишларини синчковлик билан таҳлил қилиб туриши даркор.
Элбоши тавсия этган 2050 йилгача бўлган узоқ муддатли тараққиёт стратегияси ҳамда Миллат Режасига мувофиқ, бир қатор тузилмавий вазифаларни амалга оширишимиз керак.
Биринчи. Хомашёга боғланган менталитетдан воз кечиб, иқтисодиётни ранг-баранглаштириш.
“Таълим иқтисоди”, меҳнат унумдорлигини ошириш, инновацияни ривожлантириш, сунъий заковат жаҳон тараққиётининг асосий омилларига айланди.
Индустрлаштиришнинг учинчи бешйиллигини амалга ошириш мобайнида, авваллари йўл қўйилган хато ва камчиликларни инобатга олишимиз зарур.
Бу масалалар юзасидан менинг барча топшириқларимни, эслатмаларимни Ҳукумат тўлиқ бажариши шарт.
Меҳнат унумдорлигининг аниқ ўсимини камида 1,7 бараварга оширишимиз лозим.
Мамлакатимизни минтақада етакчи сифатида танитиб, Марказий Осиёдаги нуфузимизни ошириш – стратегик вазифа.
Бу – Элбоши белгилаб берган сиёсий йўлимиз.
Иккинчи. Квази-давлат шўъбасининг самарадорлигини ошириш.
Бизнинг давлат компанияларимиз баҳайбат конгломератларга айланиб олган, уларнинг халқаро рақобатга бардошлиги шубҳа туғдиради.
Давлатнинг иқтисодиётга бўлар-бўлмасга аралашувини қисқартириш мақсадида мен квази-давлат компаниялари тузишга мораторий жорий этиш ҳақида қарор қабул қилган эдим.
Биз Жамғарма тузилганидан буён ўтган 14 йил ичида халқ фаровонлигини оширишга Миллий фаровонлик жамғармаси амалда қандай ҳисса қўшганини тўла англаб олмоғимиз керак.
Ҳукумат Ҳисоб қўмитаси билан биргаликда уч ой муддат ичида давлат холдинглари ва миллий компанияларнинг самарадорлигини таҳлил қилиб чиқиши лозим.
Квази-давлат компаниялари кўпинча бир майдонда ўзаро рақобатлашишади. Масалан, уй-жой сиёсати соҳасида бир вақтнинг ўзида 7та давлат оператори ишламоқда ва бу фақат марказ даражасида!
Давлат компанияларининг сонини қисқартириш мумкин ва шарт.
Бунда стратегик шўъбаларда ишлаётган давлат компанияларининг фаолиятига эҳтиёткорлик билан ёндашиш мақсадга мувофиқдир.
Улар устидан Давлат назорати сақланиб қолиши керак. Акс ҳолда, биз давлат монополистлари ўрнига хусусий монополистларга ва бундан келиб чиқадиган оқибатларга дуч келамиз.
Ҳукумат нарх ва тарифлар масаласи билан изчил ва кўргазмали равишда шуғулланиши керак.
Бу табиий монополиячиларнинг товар ва хизматларига ҳам тааллуқли.
Мамлактимизда баҳолар – озиқ-овқат маҳсулотлари ва кийим-кечакдан тортиб, турли хизматларнинг ҳақигача юқори эканлиги сир эмас.
Масалан, нима учун асосий авиаташувчи компаниянинг авиачипталари энг кўп талаб қилинадиган йўналишлар бўйича қиммат, баъзан Европадагидан 30 фоиз юқори?! Аэропортларимиз хизмат баҳоларининг нисбатан юқорилиги нима билан асосланади?
Нима учун Қозоғистон аэропортларида хорижлик юк ташувчилар учун авиаёнилғи баҳоси мамлакатимиздагиларга нисбатан қиммат?
Натижада Қозоғистоннинг авиация тармоғи халқаро рақобатбардошлигини йўқотмоқда, мамлакатнинг транзит салоҳияти пасайиб бормоқда.
Мутасадди вазирлик, идораларнинг лоқайдлиги туфайли темир йўлларда йўловчи ташишда чипталарнинг сунъий танқислиги вужудга келди.
Бу соҳаларда зудлик билан тартиб ўрнатилиши керак.
Бизнинг мақсад – давлатнинг барқарорлаштирувчи ролига таянган ҳолда бозор институтлари ва механизмларининг тўлақонли ривожланишини таъминлаш.
Бундай “оддий буюмлар иқтисодиёти”ни ҳам ёддан чиқармаслик муҳим. Бу фаолиятимизнинг устувор йўналишидир.
Учинчи. Самарали кичик ва ўрта бизнес – шаҳар ва қишлоқни ривожлантиришнинг мустаҳкам пойдевори
Кичик, айниқса, микробизнес мамлакатимизнинг ижтимоий-иқтисодий ва сиёсий ҳаётида муҳим роль ўйнайди.
Хусусан, энг аввало, қишлоқ аҳолисига доимий иш беради, ишсизликни камайтиради. Шу билан бирга, солиқ базасини вужудга келтириб, маҳаллий бюджетни мустаҳкамлайди.
Шунингдек, оммавий тадбиркорликни ривожлантириш тафаккуримизга сингиб кетган патерналистик одат ва боқимандаликдан халос бўлишга имкон беради.
Шунинг учун давлат бундан буён ҳам бизнесни қўллаб-қувватлашда давом этаверади.
Ушбу мақсадга Миллий жамғармадан 100 миллиард тенгега яқин маблағ ажратилди.
Бироқ, таҳлилчиларнинг фикрича, молиявий кўмакнинг фойдасини маҳаллий ҳокимлик билан муносабати яхши хўжаликларгина кўрмоқда.
Аслида эса, янги лойиҳалар асосида корхоналар барпо этилиб, иш ўринлари очилиши керак эди.
Бу “оддий буюмлар иқтисодиёти”га бевосита дахлдор.
Бироқ, маҳаллий ҳокимлар ташкилий ишларни талабга мувофиқ бажармадилар.
Шу туфайли солиқ ва пенсия тўловларини орттиришга, маҳаллий бюджетни тўлдиришга шароитлар яратилмади.
Шу муносабат билан, Ҳисоб қўмитаси ва Молия вазирлигига маблағнинг сарфланишини қатъий назоратга олишни топшираман.
Мамлакатимизда тадбиркорликни ривожлантиришнинг ибратли мисоллари кўп. Биз кичик бизнесни бутун жамоат бўлиб, биргаликда қўллаб-қувватлашимиз даркор.
Ҳукуматга микро ва кичик бизнес компанияларини даромад солиғи тўлашдан уч йил муддатга озод қилишнинг қонуний асосларини ишлаб чиқишни топшираман.
Қонунчиликка тегишли тузатишлар 2020 йилдан бошлаб кучга кириши керак.
2020 йилнинг январидан бошлаб микро ва кичик бизнес субъектларини текширишни уч йилга тақиқлаш ҳақидаги қарорим кучга киради.
Биз бизнесимизнинг ҳалол ва қонунга риоя қилувчилардан эканлигига, истеъмолчилар ва фуқаролар жавобгарликни ҳис эта олишига ишончимиз комил. Мораторий жорий этилган пайтда ўзини-ўзи тартибга солиш, жамоат назорати каби дастакларни фаоллаштириш даркор.
Мабодо бизнес субъектлари тегишли меъёр ва қоидаларни бузадиган бўлса, айниқса, санитария-эпидемиология соҳасида, бундай корхоналар ёпилади, эгалари жавобгарликка тортилади.
Биз шу тариқа бизнес гарданига тушаётган мажбуриятни озайтирамиз.
Айни вақтнинг ўзида у аввалгидек ҳуқуқ-тартибот ва назорат органларининг ҳаракатларига боғлиқ кўплаб муаммоларга дуч келмоқда.
Кичик ва ўрта бизнесга нисбатан тазйиқ ҳолатлари ҳам кўпайди.
Ушбу масалада менинг нуқтаи-назарим маълум: бизнесни, хусусан кичик ва ўрта бизнесни ривожлантиришга тўсиқ бўладиган ҳар қандай ҳаракат давлатга қарши жиноят сифатида кўриб чиқилмоғи даркор.
Шу муносабат билан қўшимча қонун тарзидаги қўшимча чоралар зарур. Парламент ва Ҳукумат мазкур муаммони ҳал этиш йўлини таклиф этиши шарт.
Бир вақтнинг ўзида, соядаги иқтисодга қарши ҳаракатларни кучайтириш, капиталнинг ташқарига чиқарилиши, солиқ тўлашдан бош тортишга қарши курашни ҳам кучайтириш муҳим.
Кичик ва ўрта бизнесни давлат томонидан молиявий қўллаб-қувватлаш тизимини “енгиллаштириш”, яъни асосий эътиборни янги лойиҳаларга қаратмоқ керак.
Ҳукуматга “Бизнеснинг йўл харитаси” янги дастури доирасида келаси уч йилга қўшимча 250 млрд. тенге ажратишни топшираман.
Бизнесни қўллаб-қувватлашнинг янги шаклларига ўтишни фаоллаштириш муҳим, бунда асосий урғу ижтимоий жиҳатларга – оилавий бизнесни ташкил этиш, биринчи навбатда кўп болали ва кам таъминланган оилаларга ёрдамлашишга берилиши зарур.
Туризмни ривожлантиришга ҳам алоҳида эътибор қаратилиши лозим, хусусан эко- ва этнотуризмга, зеро улар иқтисодиётнинг муҳим тармоқлари ҳисобланади.
Олтин Ўрданинг 750 йиллигини тарихимиз, маданиятимиз, табиатимизга сайёҳлар эътиборини қаратишни кўзлаган ҳолда нишонлаш керак. Туризмни ривожлантириш учун тегишли инфратузилма, биринчи навбатда йўллар қурилишини таъминлаш, шунингдек, малакали мутахассисларни тайёрлаш керак.
Тўртинчи. Халқаро бозорларда миллий бизнесни қўллаб-қувватлаш.
Экспорт йўналишида фаолият юритаётган компанияларнинг давлат томонидан қўллаб-қувватланиши самарадорлигини қатъиян оширишга тўғри келади.
Мен, энг аввало, ўрта бизнесни назарда тутяпман.
Ҳолбуки, бизда айнан шу тоифадаги тадбиркорларнинг давлат қўлловига оид амалий чоралар йўқ. Биринчи галда, маҳсулотни сотиш соҳасида. Кичик ва ўрта бизнесимизни қўллаб-қувватлашимиз зарур.
Ҳукуматга Индустриявий-инновациявий ривожлантириш давлат дастури доирасида юқори унумли ўрта бизнесни қўллаб-қувватлашга доир мажмуавий чора-тадбирлар ишлаб чиқишни, шунингдек, солиқ, молиявий ва маъмурий рағбатлантиришни топшираман.
Бевосита хориж сармояларини жалб этиш борасидаги ишларни жиддий равишда фаоллаштириш лозим, уларсиз иқтисодиётни янада ўстириш захиралари чекланиб қолади.
Бу ижро ҳокимиятининг устувор вазифаларидан биридир.
Қозоғистонни 2025 йилгача ривожлантириш стратегик режаси доирасида ҳар бир тармоқ ва минтақа учун тегишли мақсад кўрсаткичлари белгилаб қўйилган.
Уларга эришиш – давлат органлари раҳбарларининг, айниқса, минтақалар ҳокимларининг бевосита жавобгарлигидир.
Қозоғистон рақамли иқтисодиётни ривожлантириш йўлига тушди. Бу борада қаттиқ ишлашга тўғри келади. Бизнинг вазифа – инфокоммуникация инфратузилмасини ривожлантириш даражасига кўра минтақада етакчиликни кучайтириш.
Ҳукумат қонунларни янги технологик ҳолатлар: 5G, “Ақлли шаҳарлар”, катта маълумотлар, блокчейн, рақамли активлар, янги рақамли молиявий дастакларга мослаштириши керак.
Қозоғистон технологик шерикчилик, дата-марказлар қурилиши ва жойлаштирилиши, маълумотлар транзитини ривожлантириш, рақамли хизматлар дунёвий бозорида қатнашиш учун очиқ юрисдикция сифатида бренд бўлмоғи лозим.
Ҳукумат Халқаро молиявий марказнинг фаолиятига ёрдам беришда давом этиши керак, у том маънода Конституциявий мақомга эга бўлди.
“Астана” халқаро молиявий маркази Назарбаев Университети билан биргаликда энг янги рақамли технологияларни ривожлантиришга замин бўла олади.
Бешинчи.Ривожланган агросаноат мажмуаси.
Қишлоқ хўжалиги – бизнинг асосий захирамиз, бироқ ундан тўла-тўкис фойдаланилмаяпти.
Биз нафақат мамлакатда, балки хорижда ҳам харидоргир бўлган органик ва экологик соф маҳсулот ишлаб чиқариш учун улкан салоҳиятга эгамиз.
Биз 2030 йилгача суғориладиган ер майдонини босқичма-босқич 3 млн. гектарга кенгайтиришимиз керак.
Бу эса қишлоқ хўжалиги маҳсулотлари ҳажмининг 4,5 баравар ўсишини таъминлашга имкон беради.
Савдо ва интеграция, қишлоқ хўжалиги вазирликлари фермерларнинг маҳсулотларини ташқи бозорларда сотишда уларни қатъиян қўллаб-қувватлашлари зарур.
Ҳукуматга тегишли топшириқ берилган. Бу ҳам устувор вазифа.
Кейин. Қишлоқ хўжалик маҳсулоти экспортининг хомашё йўналишидан воз кечиш керак, у 70 фоизга етди, ҳолбуки қайта ишлаш корхоналари унинг атиги 40 фоизинигина қайта ишламоқда.
Қишлоқ хўжалигига хориж сармоядорларини жалб этиш ҳам муҳим вазифа ҳисобланади. Музокаралар олиб борилмоқда, Ҳукумат амалий натижаларга эришмоғи керак.
Кўпчиликни ташвишлантираётган ер масаласига алоҳида тўхталиб ўтмоқчиман.
Давлат раҳбари сифатида яна бир бор айтаман: еримиз чет элликларга сотилмайди. Бунга йўл қўйилмайди.
Ушбу масала юзасидан миш-мишлар тарқатишга чек қўйиш керак. Бироқ ердан самарали фойдаланилишни таъминлаш – бизнинг бурчимиз.
Ер захираларидан самарасиз фойдаланиш масаласи тобора долзарб бўлиб бормоқда.
Ерга тўғридан-тўғри солиқлар даражасининг пастлиги аҳволни янада мураккаблаштирмоқда.
Давлатдан ерга ижара ҳуқуқини бепул олганлардан аксарияти ерни бекорга ушлаб турибди, унда ишламаяпти. Мамлакатда шундай “латифундистлар” деб аталмиш бутун бир қатлам вужудга келди. Улар ўзларини “пичанда ағнаётган ит”дай тутишмоқда. Фойдаланилмай ётган қишлоқ хўжалик ерларини мусодара қиладиган пайт келди.
Ер – бизнинг умумий бойлигимиз ва унда ишлаётганларники бўлиши керак.
Ҳукумат ва Парламент тегишли дастакларни таклиф қилиши лозим.
Бу шунинг учун ҳам ўта муҳимки, мазкур масалани ҳал этмасдан туриб, мамлакат агросаноат мажмуасини сифат жиҳатидан ривожлантириш мумкин эмас.
Бугунги кунда гўшт етиштиришни кўпайтириш масаласи нафақат қорамол бошига, шунингдек, фермерларда озуқабоп экинлар етиштириш учун ер етишмаслиги муаммосига бориб тақалмоқда. Озуқа таъминоти 60 фоиздан камроқни ташкил этмоқда.
Қишлоқда сифатли турмуш кечириш учун тегишли шароитлар яратмай туриб, қишлоқ хўжалиги самарадорлигини ошириб бўлмайди.
Биз Элбошининг “Овул – Эл бешиги” махсус лойиҳасини амалга оширишда давом этамиз.
Кичик аҳоли манзилларини тутишдек ўта мураккаб муаммони ҳал этишимизга тўғри келади. Минтақавий андазалар ишлаб чиқилди, эндиликда уларни уч мингдан зиёд таянчли ва йўлдошли қишлоқ аҳоли манзилларида жорий этиш лозим.
Ҳукуматга “Овул – Эл бешиги”ни амалга ошириш учун кейинги уч йил ичида бу йил ажратилган 30 млрд. тенгега қўшимча 90 млрд. тенге ажратишни топшираман.
Ушбу маблағ инфратузилмавий масалалар – транспорт, сув таъминоти, газлаштириш масалаларини ҳал этишга, шунингдек, мактаблар, касалхоналар, спорт майдончаларини таъмирлаш ва қуришга сарфланади.
Мазкур маблағнинг ишлатилиши барча давлат органларининг қатъий назоратида бўлиши керак.
Олтинчи. Адолатли солиқ солиш ва оқилона молиявий созлаш
ИЯМнинг ва аҳоли даромадларининг ўсишига қарамасдан, Қозоғистон жамияти ичида мулк жиҳатидан табақаланиш сақланиб қолмоқда ва ҳатто кучаймоқда.
Бу ўзига алоҳида эътибор талаб қиладиган ташвишли ҳолдир.
Солиқ тизимини шундай модернизация қилиш керакки, миллий даромад адолатли тақсимланадиган бўлсин.
Ҳукумат ижтимоий чегирмаларнинг ўсиб борувчи ҳажмига ҳам эътибор қаратиши керак.
Бир томондан олиб қараганда, бу йиғимлар ижтимоий ва пенсия тизимлари барқарорлигини таъминлайди.
Бинобарин, иш берувчиларнинг иш жойларини яратиш ва иш ҳақини оширишга иштиёқини сўндириб қўяди, деган шубҳа ҳам йўқ эмас. Бизнес яна “соя”га бурканади.
Шунинг учун Ҳукуматга 5 фоиз миқдоридаги қўшимча пенсия чегирмаларини жорий этишни 2023 йилгача қолдиришни топшираман. Кейин ушбу масалага яна қайтамиз.
Шу вақт ичида Ҳукумат, бизнес вакиллари ва таҳлилчилар барча жиҳатларни тарозига солиб кўришлари ва ҳам бўлғуси нафақадорлар, ҳам иш берувчиларнинг манфаатларини ҳисобга олган ҳолда умумий қарорга келишлари зарур.
Ҳукумат Солиқ Кодексида кўзда тутилмаган барча тўловлар, йиғимларни тақиқлаши лозим. Улар аслида, қўшимча солиқлардир.
Ҳозирги солиқ тизими сифатини ошириш – алоҳида масала.
У компанияларни одам капитали, меҳнат унумдорлигини ошириш, техника жиҳатидан қайта жиҳозлаш, экспортга сармоя қуйишга рағбатлантириши керак.
Ҳамма жойда тўғаноқ бўлаётган омил – банкларнинг юқори комиссиясини бартараф этиб, нақд пулсиз тўлов тизимини жорий этиш керак. Бунинг учун тегишли созлаш қоидалари билан нобанк тўлов тизимини фаол ривожлантириш лозим. Бу усул ўта оддий ва жозибадор кўринсада, у пулни қонунлаштириш ва бойликни мамалакатдан чиқариш шоҳобчасига айланиб қолмаслиги керак. Миллий банк ушбу соҳада амалий назоратни йўлга қўйиши лозим.
Навбатдаги масала. Нохомашё маҳсулоти экспортини қўллаб-қувватлаш учун қўшимча қиймат солиғини қайтаришнинг энг оддий ва тезкор усулларини қўллаш масаласини кўриб чиқишга тўғри келади.
Иқтисодиётимизнинг энг муаммоли масалаларидан бири – уни кредитлаш ҳажмининг етарли эмаслиги. Сўнгги беш йил ичида ҳуқуқий шахслар, шунингдек, кичик ва ўрта бизнесни кредитлашнинг умумий ҳажми 13 фоиздан кўпроққа қисқариб кетди.
Иккинчи даражали банклар яхши қарз олувчилар камлигини баҳона қиладилар ва насия маблағлари қийматида ҳаддан ташқари таваккалларга қўл урадилар.
Сифатли қарз олувчилар муаммоси, албатта, бор. Бироқ, жавобгарчиликни бошқага ағдариш, фақат енгил йўл билан бориш мумкин эмас.
Мен Ҳукумат ва Миллий банкдан ушбу масалада уюшқоқли ва самарали ишларни кутаман.
Бошқа муаммо – насияга ботиб қолиш, айниқса, аҳолининг ижтимоий заиф қатламларида, шошилинч чоралар кўриш заруриятини туғдирди.. Сизлар буни биласизлар.
Ушбу муаммо ижтимоий ва сиёсий кескин тус олди.
Шунинг учун Ҳукуматга, Миллий банкка икки ой мобайнида бундай ҳолатнинг такрорланишига мутлақо йўл қўймайдиган механизмларни жорий этишга тайёрланишни топшираман.
Пул-кредит сиёсатининг етарли даражада самара бермаётганлиги мамлакат иқтисодий ривожланишидаги тўсиқлардан бирига айланмоқда.
Иккинчи даражали банкларнинг бизнесни қулай шароитларда ва узоқ муддатга насиялашини таъминлаш лозим. Миллий банк йил охирига қадар иккинчи даражадаги банклар активларининг сифатини мустақил баҳолашни тугатиши керак.
Еттинчи. Миллий жамғармадан самарали фойдаланиш масаласи.
Миллий жамғарма маблағининг жорий масалаларни ҳал этишга сарфланишини қисқартириш лозим.
Бу – келгуси авлоднинг маблағи.
Миллий жамғарманинг трансфертлари рақобатга қобилиятли иқтисодиётни шакллантиришга мўлжалланган дастурлар ва лойиҳаларни амалга ошириш учунгина бўлиниши керак.
Кафолатланган трансферт ҳажми 2022 (икки минг йигирма иккинчи) йилдан бошлаб аста-аста 2 триллион тенгегача озайиши шарт.
Жамғарма маблағидан фойдаланишнинг бир мунча самарали сармоявий сиёсатини олиб борган маъқул.
Ҳукуматга Миллий Банк билан биргаликда йил охирига қадар Миллий жамғарма маблағига эгалик қилишни такомиллаштириш учун аниқ таклифлар тайёрлашни топшираман.
Саккизинчи. Иш ҳақи тўлаш даражасини ошириш.
Кон ишлаб чиқариш соҳасидаги йирик корхоналарнинг даромади кўпайгани билан фуқароларимизнинг маоши деярли ўсмаганини кўриб турибмиз.
Аҳолининг ижтимоий шароити ҳақида айтилаётгани сабабли, Ҳукумат бу масалада фидойилик кўрсатиши керак.
Ҳукуматга иш ҳақи тўлаш жамғармасини кучайтириш иш берувчиларни рағбатлантириш масаласини пухталашни топшираман.
IV. ИЖТИМОИЙ ЯНГИЛАНИШНИНГ ЯНГИ ДАВРИ
Мамлакатимизнинг бюджети иккита асосий мақсадга йўналтирилиши керак – иқтисодиётни ривожлантириш ва ижтимоий масалаларни ҳал этиш.
Ижтимоий соҳада қуйидаги йўналишларга алоҳида аҳамият бериш керак.
Биринчи. Таълим сифатини яхшилаш.
Бизнинг мамлакатимизда меҳнат захираларининг мувозанатини ҳисобга олишнинг самарали усули ҳанузгача тайёрланмади.
Том маънода, мутахассислар тайёрлашнинг мамлакатдаги тизими аниқ меҳнат бозоридан четда қолган.
Йил сайин 21 мингга яқин мактаб битирувчиси касбий ва олий ўқув юртларига ўқишга кира олмайди.
Ёшларнинг ушбу гуруҳи ишсизлар ва салбий таъсирга мойиллар асосини ташкил этади. Улар иложсизликдан жиноий ва экстремистик оқимлар гирдобига тушиб қолмоқда.
Биз ўқувчиларнинг қобилиятини аниқлаб, касбий йўналиш-йўлланма бериш сиёсатига кўчишимиз лозим.
Мазкур сиёсат ўрта таълим миллий андазанинг негизи бўлиши зарур. Иқтисодиётимизда техника соҳаси мутахассисларига талаб ўта юқори, бироқ имкониятлар оз. Корхоналар тегишли мутахассисларни хориждан чақиришга мажбур. Ана шундай нохуш вазиятни жадал тузатишимиз лозим.
Шаҳар ва қишлоқ мактаблари орасидаги ўрта маълумот сифати анча фарқ қилади.
Асосий масала – қишлоқ жойлардаги малакали педагог кадрларнинг танқислиги.
Шунинг учун “Диплом билан – қишлоққа” дастури доирасини кенгайтириб, ишни янги даражада давом эттиришимиз зарур. Ҳукуматга келаси йилдан бошлаб ана шу дастурни молиялаштиришни 20 млрд. тенгега етказишни топшираман.
Истеъдодли қишлоқ ёшларини саралаб, мамлакатнинг ва хорижий ОЎЮларига тайёрлаш керак.
Кам таъминланган ва кўп болали оилаларни қўллаб-қўвватлаш учун Ҳукуматга Истеъдодли боланинг қобилиятини ривожлантириш йўл харитасини тайёрлашни топшираман.
Ҳукумат ва ҳокимлар ана шундай болаларнинг тўгараклар ва марказларга, ёзги лагерларга боришига имконият яратиб беришлари шарт.
Энди олий таълимнинг сифатига алоҳида тўхталгим келади.
Ўз битирувчиларини иш билан таъминлаш жиҳатидан мамлакатимиздаги олий ўқув юртларининг ярмигина 60 фоизли даражага эришди.
Шунинг учун уларнинг сонини қисқартириш масаласини кўриб чиқиш керак.
Теран таълим ўрнига диплом сотиш билан шуғулланган университетларимиз борлиги ҳам сир эмас.
Биринчи навбатда уларни бекор қилиш орқали ўқув юртларидаги таълим сифатини оширишга ҳаракат қиламиз.
Таълим соҳасига дахлдор яна бир масала – молиялаштиришнинг бир хил бўлмаслиги ва минтақавий бошқарув ҳозирги тизимининг самарасизлиги.
Таълим бўлимларини бошқариш ва бюджет маблағини расмийлаштириш вазифаларини туман даражасидан вилоят даражасига ўтказиш керак.
Таълимнинг барча поғоналарида мустақил молиялаштириш тартибини жорий этиш лозим.
Яна бир муҳим масала. Бу – дарслик сифатининг пастлиги.
Ўқувчиларни сифатли дарсликлар билан таъминлаш – тегишли вазирликнинг бевосита вазифаси.
Устоз ва ўқитувчиларнинг ижтимоий шароитларини яхшиламасак, бу чоралар амалга ошавермайди.
Шунинг учун мен Август анжуманида навбатдаги тўрт йил ичида устозларнинг маошини икки баравар оширишни топширдим. Бу – келаси йилдан бошлаб устозларнинг маоши 25 фоизга ошади деган сўз.
Фандаги вазият алоҳида эътибор талаб қилади. Усиз биз миллат тараққиётини таъминлай олмаймиз. Бизнинг фанимиз нечоғли сифатли ва самарали? Бу бошқа гап.
Ҳукумат ушбу муаммони илмий тадқиқотлар даражасини ошириш ва уларнинг амалда қўлланилиши нуқтаи назаридан кўриб чиқиши лозим.
Иккинчи. Оила ва болалик институтини қўллаб-қувватлаш, инклюзив жамиятни барпо этиш.
Бола ҳуқуқларини ҳимоя қилиш ва турмушда зўравонликка қарши ҳаракатлар масаласи устувор йўналишларимиздан бири бўлмоғи керак.
Ўсмирлар ўртасида ўз жонига қасд қилиш ҳолатларининг юқорилиги муаммоси билан жиддий шуғулланиш мақсадга мувофиқдир.
Биз зўравонликдан жабр кўрган болалар, шунингдек, уларнинг оилаларини ҳимоя қилиш бўйича яхлит дастурни ишлаб чиқишимиз керак.
Қарамоғида имконияти чекланган болалар бўлган оилаларга алоҳида эътибор қаратилиши даркор. Фақат расмий статистикага кўра, 80 мингдан зиёд бола ногиронлик бўйича ҳисобда туради.
Ҳукумат ДЦП ташҳиси қўйилган болаларнинг тиббий ва ижтимоий қўлловини яхшилашга доир чоралар ишлаб чиқиши лозим.
Болалар учун “бир қадам жойда” кичик кичик ва ўрта реабилитация марказлари тармоғини кенгайтириш зарур.
Биз алоҳида эҳтиёжга эга одамларга тенг имкониятлар яратиб беришимиз керак.
Мен бу ҳақда ўзимнинг сайловолди дастуримда ҳам айтиб ўтганман. Энди Ҳукуматга ана шу мақсадга уч йил ичида камида 58 млрд. тенге ажратишни топшираман.
Миллат саломатлигини мустаҳкамлаш масалалари алоҳида эътибор талаб қилади. Аҳолининг барча ёш гуруҳлари ўртасида оммавий спортни ривожлантириш муҳимдир.
Болалар учун спорт инфратузилмасининг имкон қадар оммабоплигини таъминлаш даркор.
Оммавий жисмоний тарбияни ривожлантириш пирамидага айланиши керак, унинг энг тепасида янги чемпионлар бўлса, тамал тошида биз соғлом, фаол ёшларга, пировард натижада кучли миллатга эга бўламиз.
Ушбу йўлни қонун жиҳатидан таъминлаш, шунингдек, Оммавий спортни ривожлантириш мажмуавий режасини қабул қилиш лозим.
2020 йил “Волонтерлар йили” деб эълон қилинди. Фуқаролар, айниқса, ёшлар, талабалар ва ўқувчиларнинг кўнгиллилар фаолиятида иштирокини кенгайтириш, уларга фаол ҳаётий кўникмаларини сингдириш – муҳим вазифа. Бу фуқаролик жамиятини мустаҳкамлаш борасидаги ишимизнинг муҳим таркибий қисмидир.
Учинчи. Тиббий хизматлар сифати ва ҳаммабоплигини таъминлаш.
Аҳоли саломатлиги, айниқса, оналар ва чақалоқлар ўлими кўрсаткичларида минтақавий номутаноносиблар кўзга ташланиб қолмоқда.
Тўғри,ушбу кўрсаткич пасаймоқда, бироқ, ҳали юқори, ривожланган мамлакатлар даражасидан анча ошиб кетган.
Ҳукумат тиббиётдаги аниқ нозоологиялар бўйича ҳар бир минтақа учун асосий йўналишлар рўйхатини тузиши ва шу асосда бюджетдан молиялаштиришни жорий этиши лозим.
2020 йил 1 январдан Қозоғистонда мажбурий ижтимоий тиббий суғурта тизими ишга тушади.
Ҳар бир кишига етказиб қўймоқчиман: давлат кафолатланган бепул тиббий ёрдам ҳажмини сақлаб қолади. Уни молиялаштиришга келаси уч йил мобайнида 2,8 трлн. тенгедан кўпроқ маблағ йўналтирилади.
Ўз навбатида МИТСнинг амалга оширилиши тиббий хизматлар сифати ва ҳаммабоплигини яхшилаши керак.
Уч йиллик бюджет доирасида соғликни сақлаш тизимини ривожлантиришга қўшимча 2,3 трлн. тенгедан кўпроқ маблағ йўналтирилади.
Ҳукумат ижтимоий тиббий суғуртанинг обрўсига путур етмаслиги учун, уни амалга ошириш масаласига ўта масъулият билан ёндашиши зарур.
Хато қилишга ҳаққимиз йўқ.
Тўртинчи. Маданият ходимларини қўллаш
Биз маданият соҳасида ишлайдиган фуқароларга етарли кўнгил бўлмаяпмиз.
Бу – аввало, кутубхона, музей, театр ходимларига тегишли масала.
Уларнинг маоши кейинги йилларда умуман ошгани йўқ.
Шу сабабли маданият ходимлари, айниқса, ёш мутахассислар имтиёзли уй-жой дастурларида қатнаша олмаяпти.
Бундай аҳвол бу касбнинг обрўсини тушириб, муносиб кадрларнинг танқислиги ошкора сезилмоқда.
Келаси йилдан бошлаб Ҳукумат маданият ходимларининг иш ҳақини кўпайтириши керак.
Шунингдек, таълим ва соғликни сақлаш соҳаларидаги мажбурий ижтимоий имтиёзлар маданият соҳаси вакилларига ҳам берилиши лозим.
Бешинчи. Ижтимоий қўллов тизимини янада ривожлантириш
Давлат томонидан муҳтож фуқароларни қўллаб – қувватлашнинг барча чоралари кўрилмоқда.
Бироқ қабул қилинган қатор қарорлар кутилган натижани бермади.
Натижада биз патерналистик кайфиятнинг жиддий ўсишига дуч келдик. 5 йил мобайнида Қозоғистонда манзилли ижтимоий ёрдам олувчилар сони 77 минг кишидан 1,4 млн.га кўпроққа ўсди.
Ижтимоий қўллов учун бюджетдан ажратиладиган маблағ ҳажми 2017 йилдан бери 17 баравар ва ундан ҳам кўпроққа ўсди.
Бошқача қилиб айтганда, тобора кўпроқ одамлар ишлашни хоҳламай қўйди ёки ундан ҳам ёмони ижтимоий ёрдам олиш учун ўз даромадларини яширмоқдалар.Бадавлат оилаларнинг ижтимоий ёрдам олиш ҳолатлари ОАВда ёритилди.
Яна бир бор таъкидлайман. Давлатимиз Конституцияга кўра, ижтимоий ҳисобланади, шунинг учун фуқаролар олдидаги ўз мажбуриятларини бажариши керак.
Ҳукумат ўз ишида ана шу тамойилдан келиб чиқиши, захираларни эса самарасиз харажатлар ва даромадларнинг ўсишини йўқ қилиш ҳисобига топиши лозим.
Бундай захиралар эса, сўзсиз мавжуд. Молия вазирлиги даромадларни кўпайтириш ишини олиб бормоқда. Бироқ қўшимча ҳаракатлар керак. Бунга божхонани мисол қилиш мумкин.
Элбоши “Nur Otan” партияси сиёсий кенгаши мажлисида давлат харидлари жараёнларини тартибга солишга алоҳида эътибор қаратди. Молия вазирлиги харидларни қулайлаштиришга киришди, бироқ қонуний тавсифдаги чоралар керак бўлмоқда.
Давлат харидлари ўзида улкан захира (айрим ҳисоб-китобларга кўра, йилига 400 млрд.гача) яширган, уни кескин ижтимоий масалаларни ҳал этишга сарфлаш мумкин эди.
2018 йилда давлат харидлари ҳажми 4,4 трлн. тенгени ташкил этди, шундан 3,3 трлн. тенгеси ёки 75 фоизи битта манбадан рақобатсиз усул билан амалга оширилди.
Амалдорлар учун ушбу “охурча” ва “ёғли жойлар”ни ёпиш пайти келди.
Манзилли ижтимоий ёрдамга қайта туриб, Ҳукумат уни ажратиш механизмини ўзгартириши, унинг шаффоф, адолатли, меҳнатга яраша бўлишига эришиши лозим. Ёрдамни асосан, меҳнат қилганлар олишлари керак.
Бир вақтнинг ўзида, кам таъминланган оилаларнинг болалари ҳақида ғамхўрлик қилиш лозим. Улар учун кафолатланган ижтимой пакетни жорий этиш – мактабгача ёшдаги болаларга доимий ёрдам, барча ўқувчилар учун бепул иссиқ овқат, уларни ўқув қуроллари ва либослари билан таъминлаш, тиббий, шу жумладан, стоматологик ёрдамга ҳақ тўлаш, жамоат транспортида қатнов ҳақини қоплаш зарур.
Бу чораларнинг ҳаммаси 2020 йил 1 январдан амалга жорий этилиши керак.
Ҳукумат, “Атамекен” МТП билан биргаликда шошилинч суръатда бир ой муддат ичида кўпболали оналарни микро ва кичик бизнесга, шу жумладан, уйда ишлашга жалб этиш махсус дастурини ишлаб чиқиши даркор.
Олтинчи. Мамлакат пенсия тизимини ривожлантиришга алоҳида эътибор қаратмоқчиман, унда жиддий муаммолар йиғилиб қолди.
Бугунги кунда пенсия жамғармасида тақчиллик сезилмайди. Бироқ 10 йилдан сўнг вазият ўзгариши мумкин. Шу пайтда нафақадорлар сони кўпайиб, пенсия жамғармасига маблағ ўтказадиган фуқаролар сони эса кескин камаяди. Пенсионерлар сони эса ортади.
Бунда пенсия активларидан тушадиган жамғарма ва сармоявий даромад паст кўрсаткичда қолади.
Шу сабабли Ҳукумат Халқ банки билан ҳамкорликда пенсия тизими самарадорлигини ошириш борасида жиддий ишлар юритиши зарур.
Ҳозир ишлаётган одам пенсия жамғармасидан нафақага чиққандан кейин фойдаланиши мумкин. Уларнинг жамғарилган маблағларидан нафақага чиққунга қадар фойдаланишни истаётгани тушунарли.
Меҳнат қилаётган одамларнинг нафақа жамғармасининг бир қисмидан мақсадли фойдаланиш (масалан, бошпана сотиб олиш ёки билим олиш учун) масаласини йил сўнгигача кўриб чиқишни Ҳукуматга топшираман.
Харажатларни қулайлаштириш ва активлардан сармоя сифатида фойдаланиш самарадорлигини ошириш мақсадида Ҳукуматга ягона ижтимоий тўловни жорий қилиш ва ягона ижтимоий жамғарма ташкил қилиш орқали ижтимоий таъминотнинг бюджетдан ташқари тизимини жорий этиш масаласини ўрганиб чиқишни топшираман.
V. ҚУДРАТЛИ МИНТАҚАЛАР – ҚУДРАТЛИ МАМЛАКАТ
Мазкур йўналишда қуйидаги вазифаларга асосий эътиборни қаратиш зарур.
Биринчи. Маҳаллий ҳокимлик органлари фаолиятининг самарадорлигини ошириш.
Фуқаролар маҳаллий ҳокимликка истаган пайтда мурожаат қила олишлари керак. Бу – аксиома, амалда бундай эмас.
Маҳаллий ҳокимлик органлари меҳнат самарадорлигининг аҳоли томонидан улар фаолиятини баҳолаш тизимини қалдирғоч лойиҳа сифатида татбиқ этиш мумкин, деб ҳисоблайман.
Масалан, аҳолининг 30 фоиздан зиёд қисми сўровнома ёки онлайн овоз бериш натижасида шаҳар ёки қишлоқ ҳокимининг ишини самарасиз деб ҳисобласа – бу Президент Маъмурияти томонидан юзага келган муаммоларни ўрганиш мақсадида махсус комиссия тузиш учун асос бўлади.
Иккинчи. Бюджетлараро муносабатлар тизимининг ислоҳоти.
Маълумки, бюджетлараро муносабатларнинг ҳозирги тизими барча даражадаги ҳокимликларни кичик ва ўрта бизнес равнақини таъминлашга рағбатлантирмайди. Минтақаларнинг қўшимча даромад манбаини излашга қизиқишлари суст.
Келгуси йилдан кичик ва ўрта бизнес солиғидан тушган қўшимча маблағ маҳаллий ҳокимлик ихтиёрига берилади.
Бироқ бу етарли эмас. Барча даражадаги бюджет жараёнини ташкил қилиш тадбирини қайта кўриб чиқиш вақти келди. Маҳаллий бюджетни шакллантиришда аҳолининг фаол иштироки катта аҳамият касб этиши жоиз.
Маҳаллий аҳамиятга молик вазифаларни ҳал қилишда туман, шаҳар ва қишлоқ ҳокимлари иқтисодий жиҳатдан мустақил бўлишлари керак. Уларнинг ҳуқуқлари, жавобгарлиги ва вазифалари қонун ҳужжатларида аниқ белгилаб қўйилиши зарур.
Учинчи. Бошқариладиган урбанизация ва ягона бошпана сиёсати.
Илгари қабул қилинган “Пойтахт мақоми тўғрисида” ва “Алмати шаҳрининг махсус мақоми тўғрисида”ги қонунлар ўзининг ижобий самарасини берди, лекин бугунги кунда уларни такомиллаштириш лозим.
Учта энг йирик шаҳар ҳокимликларининг ваколатини ошириш лозим, шунингдек, уларга шаҳарсозлик сиёсати, транспорт инфратузилмаси ва шаҳар меъморий қиёфасини шакллантириш борасида кенг имкониятлар бериш зарур.
Республика даражасидаги шаҳарларда аҳолининг кўплиги мақтанадиган жиҳат эмас, аксинча аҳолининг ижтимоий-иқтисодий эҳтиёжларини тўлиқ қондириш масаласи юзага келади.
Йирик шаҳарларда одамларнинг кўпаяётгани сезилади. Бироқ, кўчиб келувчиларга барча шароитлар яратилган Павлодар ва Петропавл шаҳарларида ишчи кучи тақчиллиги мавжуд.
Ҳукумат миграция жараёнларини бошқаришнинг қатъий чораларини қўллаши зарур.
Мен ўз сайловолди дастуримда ягона бошпана сиёсатини тайёрлаш зарурлигини таъкидлаган эдим.
Асосий тамойил – ижтимоий аҳволи ночор аҳолини бошпана билан таъминлаш.
Ҳукумат тизимсиз дастурлар тажрибасидан воз кечиб, Ҳукумат мамлакатнинг ягона уй-жой тараққиёти моделини ишлаб чиқиши зарур.
Масалан, дастлаб ижтимоий дастур ҳисобланган “7-20-25” доирасида омонатчининг оилавий даромади бир ойда 320 минг тенге чамасида бўлиши керак эди. Кам даромад оладиган одамлар унда иштирок этолмаслиги яққол кўриниб қолди.
Шу боис, Элбоши ташаббуси билан бошланғич бадали 10 фоиз, имтиёзли миқдори 2 фоизли “Бахтли оила” дастури йўлга қўйилди. Унинг шартлари сезиларли қулай.
Ушбу дастур доирасида жорий йил сўнггигача 6000га яқин оила бошпанали бўлади. Албатта, биринчи навбатда кўп болали ва ногирон болалари бор оилалар бошпанага эга бўладилар. 2020 йилдан бошлаб йил сайин 10 минг ана шундай оила бошпана билан таъминланади.
Ҳукумат унда иштирок этишнинг аниқ талабларини ишлаб чиқади ва қатъий маъмурий назоратни таъминлайди. Ҳақиқатан бошпанага муҳтожларгагина давлат томонидан қўллов кўрсатилиши жоиз.
Мен Ҳукуматга бошпана учун навбатда турган, кам таъминланган оилалар масаласини уч йилда ҳал қилиш вазифасини топшираман. Уларнинг сони – 30 мингга яқин.
Бошпана сотиб олишга қурби етмайдиган фуқароларга ижтимоий ижара тартибида яшаш шароитини яратиб бериш лозим.
Бу мақсадларга 2022 йилда 240 млрд. тенге маблағ ажратилади.
Ушбу йўналишдаги ишларга хусусий тадбиркорларни жалб этиш учун янги чора-тадбирлар ишлаб чиқиш керак, давлат-хусусий ҳамкорлигининг янги механизмларини жорий этиш зарур.
Фуқаролар ҳокимлик томонидан ажратилаётган ижтимоий бошпаналарга навбатга туриш ва унинг силжишининг ношаффофлигидан норози.
Ҳукумат йил охиригача ижара уй навбатида турганларнинг ва “Бахтли оила” дастури доирасида имтиёзли бошпана оладиганлар рўйхатининг ягона миллий тизимини ишлаб чиқиши зарур.
Коммунал тизимнинг эскириш даражаси 65 фоиздан 57 фоизга пасайган бўлишига қарамай, бу кўрсаткич баланд.
Чунончи, 78 мингта кўп қаватли уйнинг 18 мингтаси таъмирга муҳтож.
Минтақаларга таъмирлаш ва модернизация ишлари учун икки йил мобайнида бюджетдан насия сифатида 30 млрд. тенге маблағ ажратиш зарур.
Ҳукуматга мазкур механизмни ишлаб чиқиш ва маблағнинг мақсадли ўзлаштирилишини қатъий назорат қилишни топшираман.
Минтақаларни ривожлантириш бюджети 2022 йилда 800 млрд. тенгедан ошиб кетади.
Ҳокимларга маҳаллий маслаҳатлар билан бирга минтақалардаги аҳолининг ижтимоий муаммоларини ҳал қилиш ва уй-жой коммунал хўжалигини янгилаш учун ушбу маблағнинг ярмини ажратиш вазифасини топшираман.
Тўртинчи. Инфратузилмани ривожлантириш.
Маълумки, мамлакатимизнинг турли минтақаларида аҳолининг транспорт инфратузилмаси, тоза ичимли сув, табиий газ таъминоти турлича.
Шу тенгсизликни бартараф этиш тадбирларини жонлантириш керак.
Элбошининг ташаббуси билан бошланган “Сариарқа” газ магистрали қурилишининг биринчи навбати ниҳоясига етмоқда.
Келгуси йилда Нур-Султан шаҳри ва Қарағанди вилояти, кейинчалик Ақмўла ва Шимолий Қозоғистон вилоятларида тақсимлаш тармоқларининг қурилиши бошланади.
Бу мақсадларга давлат 56 млрд. тенге ажратади. Натижада 2,7 миллион одам табиий газ билан таъминланади.
Кейинги 3 йил мобайнида эса фуқароларни тоза ичимли сув билан таъминлаш ва канализация хизматига 250 млрд. тенге ажратилади.
“Нурли йўл” дастурини сифатли амалга ошириш тадбирлари маҳаллий ижро ҳокимлиги томонидан қатъий назорат қилиниши керак.
Бу – мамлакатимизнинг бутун транспорт инфратузилмасини замонавийлаштириш имконини берадиган стратегик лойиҳа.
Мазкур мақсадга давлатимиз 2022 йилгача 1,2 трлн. тенге сармоя жалб қилади.
Ҳукумат бу йўналишдаги ишларга аввал ҳам салмоқли маблағ ажратган, афсуски, унинг асосий қисми “қумга синггандек” йўқ бўлиб кетди. Очиғини айтганда, амалдорларнинг чўнтагига тушиб кетди. Натижада, ичимли сув, йўл ва инфратузилма ўлда-жўлда қолди.
Бу гал Ҳукумат ва Парламент Ҳисоб қўмитаси билан биргаликда бюджет маблағининг сарфланишини қатъий назоратга оладилар.
Экологияни яхшилаш, янгиланган энергия манбаларидан фойдаланишни кенгайтириш, атроф-муҳитни муҳофазалаш борасидаги фаолиятни жонлантириш даркор. Бу борада “Бирга – тоза Қозоғистон” акциясини қўллаб-қувватлаш ва уни давом эттириш муҳим.
Парламент Экология кодексининг янги таҳририни муҳокама қилиши ва қабуллаши керак.
Умуман, Ҳукумат яқин келажакда ўз фаолияти самарадорлигини ошириши даркор. Қозоғистонликлар аниқ натижаларни кутишмоқда.
Ҳурматли ватандошлар!
Биз мамлакатимизни янги ислоҳ қилиш босиқичига кўчдик. Ушбу муҳим вазифаларни сифатли амалга оширишимиз зарур.
Мамлакатимизнинг ҳар бир фуқароси ижобий ўзгаришларни ҳис қилиши лозим.
Мен давлат идораларидан ишни жадал бажариб, аниқ натижаларга эришишни талаб қиламан.
Ислоҳотни фақат ислоҳот учун юритишга йўл қўйилмайди.
Ҳар бир вазир ва ҳокимда натижали иш асосий кўрсаткичларининг рўйхати бўлиши керак. Шу орқали уларнинг аниқ мақсадга эришиш даражаси аниқланади.
Ҳукумат аъзолари, давлат идоралари ва минтақаларнинг, давлат компаниялари, ташкилотларнинг раҳбарларига тегишли ислоҳотнинг амалга оширилиши учун шахсий масъулият юкланади.
Шунга мувофиқ, яқинда тегишли Фармонга имзо чекдим. Унинг доирасида мамлакатдаги ҳолат, жумладан, минтақалардаги аҳолининг аҳволи саволнома асосида аниқ баҳоланадиган бўлади.
Ҳукуматнинг ижтимоий ва иқтисодий сиёсатга масъул тузилмалари жамият эҳтиёжларига мувофиқ олдиндан аниқ иш юритиши зарур. Бунинг учун назорат, таҳлил ва тахмин тизимини имкон қадар кучайтириш керак.
Шу боис депутатларимизнинг мурожаатига кўра, Парламент қошида Қонунларни таҳлил қилиш ва текшириш институтини ташкил қилишни топшираман.
Мазкур ташкилот қонунларимизнинг сифатини оширишга ижобий таъсир кўрсатиши даркор.
Қадрли қозоғистонликлар!
Халқимизни ташвишлантираётган барча масалалар бизга маълум.
Шунга мувофиқ, аҳволни яхшилаш учун чора-тадбирлар режаси тайёрланмоқда.
Бизга улкан масъулият юкланмоқда.
Мен юрт тақдири учун жон куйдирадиган ҳар бир фуқарога юксак ишонч билдираман.
Қозоғистон – умумий уйимиз!
Мен барчангизни жонажон юртимизни тараққий эттиришга ҳисса қўшишга чақираман!
Амалий ижтимоий мулоқот – тотувлик ва барқарорликнинг гарови.
Буюк Абай ўзининг олтинчи ҳикматли сўзида “Бирлик – ақлга бирлик”, деганини биласизлар.
Элбошимизнинг “Эл бирлиги – қимматбаҳо бойлик” деган қанотли сўзи – бизнинг асосий қоидамиз.
Барака ва бирлик, ақл ва фаросат халқимизни ҳамиша олға бошлайди.
Мақсадимиз – равшан, йўлимиз – очиқ.
Ҳаммамиз бирга бўлсак, мамлакатимиз бундан-да улкан ютуқларга эришишига ишонаман!
Барчангизга омонлик, муваффақият тилайман!
-
2024-04-25, 22:36
Иқтисодиётда ижобий кўрсаткичларга эришилмоқда 65
-
2024-04-25, 22:36
Вазирлик услубий ёрдам кўрсатмоқда 38
-
2024-04-25, 22:35
Болаларга тажовузкорлик – жамият иллати 85
-
2024-04-24, 22:45
Президент миннатдорчилик билдирди 93
-
2024-04-24, 22:43
Кичик қишлоқнинг салоҳияти улкан 239
-
2024-04-23, 20:10
Номзод кўрсатилди 128
-
2024-04-23, 20:07
Чигирткага қарши кураш бошланди 122
-
2024-04-23, 20:06
Туркистонлик мерганлар – Осиё чемпиони 123
-
2024-04-23, 20:03
Париж олимпиадасига йўлланма олди 195
-
2024-04-23, 19:55
Тожикистондан – 3500 тонна инсонпарварлик ёрдами 281
-
2024-04-22, 20:54
Туркистон шаҳридаги халқаро аэропортни туризм йўналишига мувофиқ ривожлантириш таклиф этилди 93
-
2024-04-22, 20:53
Саксовулзорлар майдони кенгаяди 292
-
2024-04-22, 20:52
Қутқарувчилик – шарафли касб 106
-
2024-04-22, 20:51
Биз – биргамиз! 237
-
2024-04-22, 20:46
Сув тошқинидан зарар кўрганларга ёрдам 106
-
2024-04-25, 22:37
Равон йўллар – мақсадга элтар 85
-
2024-04-25, 22:36
Иқтисодиётда ижобий кўрсаткичларга эришилмоқда 65
-
2024-04-25, 22:36
Вазирлик услубий ёрдам кўрсатмоқда 38
-
2024-04-24, 22:45
Президент миннатдорчилик билдирди 93
-
2024-04-24, 22:43
Кичик қишлоқнинг салоҳияти улкан 239
-
2024-04-23, 20:10
Номзод кўрсатилди 128
-
2024-04-23, 20:07
Чигирткага қарши кураш бошланди 122
-
2024-04-22, 20:54
Туркистон шаҳридаги халқаро аэропортни туризм йўналишига мувофиқ ривожлантириш таклиф этилди 93
Газета ҚР Маданият ва ахборот вазирлиги томонидан 2010й.26майда рўйхатга олиниб.10957-Г гувоҳнома берилган.
Муассис--Туркистон вилояти хокимлиги.
Ношир--"Жанубий Қозоғистон"вилоят ижтимоий-сиёсий газетаси таҳририяти масъулияти чекланган биродарлиги.
©Мулк эгаси-"Жанубий Қозоғистон"газетаси.