– АҚШнинг Қозоғистондаги Фавқулодда ва мухтор элчиси Жорж Кролнинг айтишича, АҚШдан ташриф буюрадиган ковбойлар кўпкари чемпионатида иштирок этишади, – деб маълум қилади ҚозАхборот мухбири. 

– Бизнинг дипломатик миссиямиз ЭКСПО кўргазмаси вақтида 20та маданий тадбирни молиялаштиради. Концертлар, томошалар, компьютерлар ва робот-техника семинарлари ва бошқалар. Бундан ташқари, Америкадан келадиган ҳақиқий ковбойлар кўпкари мусобақаларида иштирок этишади, – деди Крол АҚШ павильони тақдимотига бағишланган брифингда. Унинг айтишича, Америка ковбойлари бунгача Марказий Осиёда ўтган кўпкариларда қатнашиб, ўйин қоидасини яхши ўзлаштириб олишган. Фақат улар ўз отларини олиб келишмайди. 

– Сабаби, маҳаллий йилқилар кўпкарига яхши тайёрланган, мослашган. Бизнинг отларимиз бу томонлардан қўрқади. Чунки, сизлар йилқи гўштини тановул қиласизлар, – деб ҳазиллашди элчи.

Астанадаги ЭКСПО-2017 кўргазмаси доирасида 21-28 август кунлари этноовулда кўпкаридан I жаҳон чемпионати ўтади.