* "Обуна –2020"

Ахборот бугунги кунимизда шунчаки омма эҳтиё­жи учун зарур маҳсулотгина эмас,

 балки жамоат фикрини шакллантирадиган восита ҳамдир. 

Кундалик ҳаётимиздаги юзлаб ахборотлар ичидан ҳақ-ноҳақни фарқлаб, сарак-пучакка ажратиб, оммага энг сара ва энг холисини тезкор равишда тақдим этиб боришдек масъу­лиятли ва машаққатли вазифа оммавий ахборот восита­лари­нинг, асосан давлат газеталарининг зиммасида. Туркистон вилоятида ўзбек тилида чиқадиган ягона давлат нашри, бу – «Жанубий Қозоғистон» газетаси. Бу нашр  Элбошимиз Н. Назарбаевнинг бизнинг она тилимизга бўлган чексиз эҳтироми  ва эътибори туфайли, мана, 28 йилдан бери мунтазам чоп этилмоқда. 

Абдулҳамид Чўлпоннинг: 

Халқ –  денгиздир, халқ – тўлқиндир, халқ – кучдир.

Бутун кучни халқ ичидан олайлик,

Қучоқ очиб,  халқ  ичига борайлик, деган сатрларини шиор қилган газетамизнинг ададини 20 минггача кўтариб, барчамиз  келажаги ягона жамият олдида юзимиз ёруғ бўлиши учун  ҳамжиҳатликда ҳаракат қилишимиз керак.

 Куч бирликда, бирлашган ўзар, деб айтилиши бежиз  эмас. Бирлашиб, халқнинг минбари бўлган газетани янги мазмун билан бойитайлик.

 Нашр кўрсаткичи – 65466.