ҚР Президенти Қасим-Жўмарт Тў­­қаев сай­­ловдан кейин Президент лаво­­­­зи­­­мига рас­ман киришганига 100 кун тўл­­ди. Албатта, юз кун тарих учун озгина фур­сат. Бу қисқа давр ичида қандай иш­лар амалга оши­рилди?

Қасим-Жўмарт Тўқаев Президент бў­­­либ сайлангандан кейин ташқи сиё­­­­­­сат соҳа­сида­ги ҳамкорликни ри­­­­вож­лантириб, доно сиё­сатчи экан­лигини далиллади.

У сайловолди дастурида кўп йўналишли тамойилларига амал қилиб, стратегик ҳам­­­­­кор дав­латлар – Россия, Хитой, АҚШ, Марказий Осиё дав­­­лат­ла­ри, Европа иттифоқи, Осиё ва Яқин Шарқ давлатлари билан тотув, дўстона муноса­­батлар­­ни, шунингдек, БМТ, МДҲ, ЕОИИ, ШҲТ каби бошқа хал­­­­­­­қа­ро кенгашлар билан ало­қа­ни ривожлантиришга бел боғ­ла­ганлигини маълум қил­ганди.

Президент сифатида илк дав­лат сафарини Россиядан бош­­лади. Россия Президенти Вла­димир Путин ҚР Президенти си­фатида Россияга илк сафари алоҳида аҳамият касб этишини таъкидлаб ўтди.

Иккинчи давлат сафари Ўз­бекистонда давом этди. Бу қардош  ҳамда  Марказий Осиё­даги йирик мамлакат. Иқтисодий алоқалар ҳам янги даврга қа­дам босмоқда. Чунончи, ўтган йили товар айланмаси 2,5 млрд. долларга етди. Ўзбекистонга сафари чоғида Прези­дентлар унинг ҳажмини 5 млрд. доллар­­­­­­­га етказишга келишиб олиш­ди. Шунингдек, 2019 йили – “Ўзбекистонда Қозоғистон йи­­ли” деб эълон қилинди. Бу ик­ки давлат орасидаги ҳамкор­лик­нинг янги босқичга кўта­рил­ганлигини кўрсатади.

Қ. Тўқаев ўзининг сайлов­олди дастурида ҳам, улуғлаш маросимида сўзлаган нут­­қи­да ҳам тинчликсевар, бар­қа­рор, амалий ташқи сиёсат юри­­­­тишини айтганди. Шунингдек, сиёсий, савдо-иқтисодий, ма­­­­даний, гуманитар соҳада ҳам миллий мақсад диққат мар­ка­зида бўлишини маълум қилди. 

Давлат раҳбари 100 кун ичи­да кўтариб чиққан янги та­шаб­буслардан бири – ижтимоий заиф фуқароларнинг қарз­ла­рини қисман қоплаб бе­риш бўлди. Бу Фармон ижросига 105 миллиард тенге сарфланди. 

Қонуний митинглар ўтка­зишга рухсат берилди. Арисда фожиа юз берган куниёқ Пре­зидент бу шаҳарга етиб келиб, жабрланган аҳолига далда бўлди. 

Президент ташқи сиёсатда улкан ўзгаришлар қилибгина қолмай, Қозоғистоннинг геосиё­сий шароитидан келиб чиқ­қан кўп қиррали йўналишга амал қилишини исботлади. Дип­­ломатик хизматнинг барча по­­ғоналарида ишлаб, фао­лия­тида улкан сиёсатнинг чўққи­сига чиқди. Халқаро арена­да сиёсий қарорлар қабул қи­ла­ди­ган, жаҳон даражасидаги ўз ўр­нига эга сиёсатчига айланди, де­йишга тўлиқ асосимиз бор.

100 кун. Бу давр янги хиз­мат сафарлари, аҳоли билан учрашувлар, хорижлик раҳбар­лар билан музокараларга бой бўлди. 

Жамиятимизнинг янги раҳ­бардан умида катта. Шунинг учун унга фаолиятида улкан за­фарлар тилаб қоламиз.