Туркистон вилояти ҳокими Ўмир­зақ Шўкеев Сайрам туманига хизмат сафарини Жибек жўли қишлоқ округидаги Оқ­­­­­­­қалъа каналида юри­ти­­­лаётган механик тозалаш ишла­­­­­­­­­­­­­­­­­­­­­­­рини кўздан кечи­ришдан бошлади.

Туманнинг экин  майдони 60 минг гектарни ташкил этади. Унинг 18500 гектари – обикор ер. Бу ерда яқинда канал тозаланиб, 400 гектардан зиёд ерни суғо­риш имконияти яратилди.

Сафар чоғида минтақа раҳ­бари махсус формалар, ҳар­­­­бий кийимлар ва тўшаклар ти­киладиган “АХБК” тикувчилик фабрикасига бориб, ишчилар билан учрашди. Сўнг минтақа раҳбари “К.А.Z. TEL” МЧБнинг кабель ишлаб чиқарадиган кор­хо­насида ҳам бўлди. Корхона йи­лига 7200 чақиримгача маҳ­сулот ишлаб чиқаради. Тай­ёр маҳсулот ички бозорда со­тилиб, қўшни давлатларга ҳам экспорт қили­на­ди. Минта­қа­да экспортни ошириш ҳақида Ўмирзақ Естайули ушбу қиш­лоқ­да жойлашган ем-хашак ишлаб чиқарадиган заводнинг қурилишини оралаганда тилга олиб ўтди.

Бу ерда бир кеча-кундузда 240 тонна ем-хашак тайёрланади. Даставвал тайёр маҳсулот би­лан ички бозорни қамраш ре­жаланмоқда. Келгусида Ўзбе­кистон, Афғонистон ва Эрон мам­лакатларига экспорт кўз­ланган. Завод шу ойнинг сўн­­­­гигача ишга туширилади.

Иш сафари якунида вилоят ҳокими Оқсув қишлоғидаги “Бир­лик-4” МЧБ фаолияти билан та­нишди. Бу ерда сиғим­ли­ли­ги 40 минг тоннали омборлар ва қишлоқ хўжалиги маҳ­су­­­лотларини қайта ишлайдиган цех жойлашган бў­либ, йилига 1,2 млн. консерва маҳ­сулотлари ишлаб чиқарилади. Маҳаллий маҳсулот Қозоғистон ҳудуди ва МДҲ давлатларига экс­порт қилинади.