Давлат раҳбари ХХР Бутунхитой халқ вакиллари мажлиси 

Доимий қўмитаси раиси Ли Чжаньшу билан учрашди

Унда ҚР Президенти Қ. Тўқаевнинг жо­рий йил 11-12 сентябрдаги Хитойга илк давлат сафари натижалари ва шарт­номалари му­ҳокама қилинди. Шу­нингдек, қо­зоқ-хитой иккитомонлама стра­те­гик ҳамкорлигининг бу­гунги аҳволи ва тараққиёт истиқ­бол­лари ҳақида суҳ­батлашишди.

Ли Чжаньшу Қозоғистон Прези­ден­тига улкан эҳти­роми учун миннат­дор­чилик бил­дириб, ХХР раиси Си Цзиньпин­нинг са­ломини етказди.

– Раис Си Цзиньпин Сизни давлат бош­қаруви ишида ўз нуқтаи назарига эга, ўза­ро яқин муносабатларнинг стра­­те­гик аҳамиятини тушунадиган, таж­рибали сиё­сатчи сифатида юқо­ри ба­ҳолайди. Шу­нинг учун икки мамла­кат­нинг етакчилари ўртасида жуда муҳим шарт­номалар им­золанди. Сиз­­­­нинг мамла­катингиз бизга яқин дўст, Сиз ҳам алоқа­ларимизнинг ривож­лани­шига ул­кан ҳис­са қўшмоқдасиз, – деди Ли Чжаньшу.

Қозоғистон Президенти икки мамлакат орасидаги суверенлик ҳуқуқ­ла­рини ўзаро қадрлаш, ўзгармас хал­қаро тамойиллар ва ўзаро самарали ҳам­­корликнинг ривож­ла­нишига асос­лан­ган дўстона алоқаларни тилга олди.

– Чин маънода  мамлакатларимиз ўртасидаги муно­сабатлар ҳақида аҳа­миятли, асосли шартномалар им­зо­ланди. Бу ҳужжатларга Сизнинг ҳам қўшган улу­­шингиз салмоқли. Мамла­ка­тимиздаги му­ҳим тад­­­бирларда қат­нашасиз. Сизга му­ваффақият ти­лай­ман!, – деди Қасим-Жў­март Тўқаев.