Туркистонда “Туркистон – ёшлар шаҳри” фестива­­­­лининг якунловчи босқичи ва тантанали ёпилиш маросими ўтди. Ёшлар йили доирасида йўлга қўйилган лойиҳани Туркистон вилоят ижтимоий тараққиёт бошқармасининг “Ёшлар имконият маркази” ташкил қилди.

Тадбирнинг мақсади – ёшлар ўртасида маданиятни ривож­­лан­­­ти­ришга таъсир кўрсатиш ва тар­ғиб қилиш, бўш вақтдан унум­ли фойдаланиш, истеъдодли ёш­лар­ни аниқлаш ва уларни қўл­­­­­лаб-қувватлашдан иборат эди. Бугунги кунда шаҳар хиё­­­бон­ларида Street Ball, Street Workout миллий ўйин­лар май­дон­­­ча­­­лари барпо этилиб, ёшларга топ­ширилди. 

Ёшлар фестивалининг уч ойи давомида 4та спорт-ижодий май­донда 1680та тадбир ўтказилди. Унга вилоятдаги 13та туман ва 3та шаҳардан 30 000дан зиёд йигит-қизлар 6та йўналиш бў­йи­ча қатнашди. Туркистон ви­ло­яти ва вилоят марказида спорт-ижо­дий салоҳияти юқори ёш­лар сафини кенгайтириш, ёш­лар­нинг кўча маданиятини ри­вож­лантириш кўз­­да тутилган лойиҳа туфайли янги спорт май­донлари пайдо бўл­­ди. Спорт му­собақаларининг даст­лабки ҳаф­талик, ойлик бос­қич­ларида са­­ралашдан сурин­май ўтган энг куч­лилар финал бос­­қичда куч си­нашдилар. Ёшлар спорт би­лан бир­галикда ўз санъатла­рини ҳам на­мойиш этдилар. 

Таъкидлаб айтсак, Street Danse бўйича 1-ўринни Kirin рақс гуруҳи эгаллади, RАР мусобақасидан “Бек­болат” гуруҳи, Street Workout мусобақасида Жетисай терма жа­моаси, Karaoke танловида Арай­лим Ўмирзақ биринчиликни қўлга киритдилар. Миллий ўйин­ларга кел­сак, ошиқдан Тулкибош, ланка­дан Чордара терма жамоа­лари   ғолиб деб топилди. 

“Туркистон – ёшлар шаҳри!” фес­тивалининг ёпилиш мароси­мида Туркистон вилояти ҳокими­нинг ўринбосари Сакен Қалқа­манов қатнашиб, ғолибларни тақ­­­­дирлади. Совриндорларга дип­­­­лом ва қимматбаҳо совғалар топ­­ширилди. Фестиваль Қозоқ эс­тра­даси ёш юлдузларининг шоу-дастури билан давом этди.