Вилоят ҳокими туманларни оралади

Туркистон вилояти ҳокими Ўмирзақ Шўкеев Ўрдабоши тумани хўжаликларининг деҳқонлари билан учрашди.   “Ақ-Ўрда-Б” МЧБ жорий йилдан бошлаб йилига 2 марта ҳосил етиштиришни йўлга қўйибди. Эрта баҳорда Голландиядан келтирилган картошка экиб, фойда кўрган тадбиркор кейин карам эккан.

Вилоят ҳокими шундан сўнг 130 гектар ерда янги технология асосида, сувсиз тарвуз етиш­тирган мутахассисларнинг иши билан танишди. Улар келгусида 40 гектардан йиғилган тарвуз уруғини АҚШга экспорт қилиш­ни режалаштиришмоқда. Хо­рижликлар ушбу тар­вуз уру­ғи­дан косме­тика индус­триясида фойда­ланишади.  

 Ў. Шўкеев  деҳқонларга меҳ­нати эвазига келган даромадни исроф қилмай, тарвузни қайта ишлаб, шарбат тайёрлаш ва чиқиндисиз маҳсулот ишлаб чиқаришни топширди. Ўр­да­боши туманининг қиш­лоқ хў­жалиги соҳасида замона­вий технологиялардан фойда­­­­ланиб, аҳолини иш билан таъмин­лаш мақсадида 18та йў­на­лиш бўйича 46та лойиҳани йўл­га қўйиш режалаштирилган. 

Вилоят раҳбари иш сафари давомида “STANDART PETRO­­­­LEUM CO” МЧБнинг нефть-кимё заводида бўлди. Янгидан қад ростлаётган комбинатнинг ло­­йиҳаловчи компанияси – Россиянинг “ЭТН-Циклон” ил­мий ишлаб чиқариш бир­лаш­маси. Заводда АИ-92 ру­сумли бензин, дизель ёнил­­ғиси, суюлтирилган газ ва кокс чи­қарилади. Йилига 2 мил­лион тонна хомашёни қайта иш­лай­диган корхона қурилиши 2021 йили битказилади. 

Шунингдек, вилоят раҳбари Сайрам туманида бўлиб, ян­гидан очилган “Қорабулоқ” мол бозорининг фаолияти билан танишди. Минтақа раҳбари бозор раҳ­бариятига малакали мута­хас­сисларни ишга жалб этиб, чор­ва моллари юқумли касал­ликларининг ол­дини олиш чораларини кучайтиришни топ­­ширди.