“Ёрдам” саломатлик поезди 24 декабргача Қозоғистоннинг жануби-ғарбини оралаб чиқади. У – Жамбил, Туркистон, Қизилўрда, Атиров, Ақтўбе ва Манғистов вилоятлари ҳудудини таъминлашга йўналтирилган қўшимча тиббиёт поездидир. Поезд ишига ҚР Соғликни сақлаш вазирлиги ва “Ижтимоий тиббий суғурта жамғармаси” НҲЖ 127,6 миллион тенгедан зиёд маблағ ажратган.

“Ижтимоий тиббий суғурта жамғармаси” НҲЖ Туркистон вилоят филиалининг бўлим раҳбари Лаура Сапарбекованинг маълум қилишича, жорий йилнинг 29 апрелида йўлга чиққан “Саломатлик” тиббиёт эшелони 2019 йилнинг 20 декабригача ўз ишини давом эттираверади. Бугунги кунга қадар еттита вилоятни оралаб улгурган поезд хизматидан 15 мингга яқин маҳаллий фуқаролар фойдаланиб, керакли маслаҳатлар олишди, бепул даволанишди. 

Эзгу тадбир мобайнида элимизда 2010 йилдан буён минтақалардаги олис аҳоли манзиллари фуқароларига тиббий ёрдам кўрсатилиб келади. Бугунги кунда диагностика ва даволаш асбоблари билан жиҳозланган ва турли соҳадаги шифокорлар гуруҳи билан таъминланган махсус темирйўл вагонлари туман марказлари, шаҳарлардан олисда жойлашган аҳоли манзиллари фуқароларига хизмат кўрсатмоқда. 

Поезднинг иш тартиби шифокорларнинг фуқароларни уззукун қабуллашини кўзда тутади. Диагностика ва даволаш чоралари бепул кўрсатилади. Бундан ташқари, фуқароларга 2020 йилдан бошлаб амалга жорий этиладиган Мажбурий ижтимоий тиббий суғурта (МИТС) тизими ва унинг асосий фаолияти ҳақида ахборотлар берилмоқда. 

Тиббий поездлар – ҚР Соғликни сақлаш вазирлиги, “Қозоғистон темир йўли” Миллий компанияси, “Ижтимоий тиббий суғурта жамғармаси” НҲЖ ҳамда “Samruk Kazyna Trust” ижтимоий лойиҳаларни ривожлантириш жамғармасининг муштарак лойиҳасидир.