Туркистон вилояти Келес туманида “Овул – эл бешиги” давлат дастури доирасида 23та ички кўча таъмирланиб, марказий стадион ва қишлоқ маданият уйи тўлиқ янгиланади.

Бу 25та иншоотга республика бюджетидан 1 млрд. 229,3 млн. тенге маблағ ажратилган. Буни Туркистон вилоят минтақавий коммуникациялар хизматининг кўчма брифингида Келес туманининг ҳокими Ақментай Есбаев маълум қилди.

Шу билан бирга, туман раҳбари минтақада ишлаб чиқарилган ялпи маҳсулот жорий йилнинг 8 ойида 30,9 млрд. тенгега етганини айтди. 

– Даромадлар бўйича 2019 йилнинг 8 ойида маҳаллий бюджетга тушадиган солиқлар ва бошқа тушумлар режаси 96,8 фоизга бажарилди. Ўтган вақтда фаол кичик ва ўрта субъектлар сони 8500тага етиб, уларда фаолият юритувчилар сони 18,1 минг кишини ташкил қилди. “Индустриявий-инновациявий тараққиёт” давлат дастури доирасида, тадбиркорликни қўллаш харитаси доирасида умумий қиймати 327,4 млн. тенгени ташкил қиладиган 2та корхонани 2019 йили ишга тушириш режаланган. 2018 йили қиймати 250 млн. тенгелик 1та лойиҳа амалга оширилиб, 50та иш ўрини очилган эди, – деди Ақментай Усенули.

Бундан ташқари, туман бўйича 2019 йилнинг 8 ойида 4 млрд. 323,1 млн. тенгелик 27та иншоотнинг қурилиши юритилган.

Инфратузилма бўйича аҳоли манзилларига чаққанда Келес туманида табиий газ билан таъминлаш улуши – 65 фоиз, ичимли сув – 54,4 фоиз бўлса, сифатли электр қуввати билан таъминлаш – 65 фоиз. Соҳадаги барча ишлар давом эттирилади. Шунингдек, 2020 йилда туманнинг 43,9 чақиримни ташкил қиладиган 30та ички кўчани таъмирлаш мўлжалланмоқда.