Nur Otan партияси Туркистон вилоят филиа­лининг “Open Spase” шаклидаги жамоатчилик қа­булхонасида вилоят ҳокими Ўмирзақ Шўкеев фуқароларни қабул қилиб, уларнинг таклиф-истакларини тинглади. 

Вилоят раҳбарининг қабулига келган кўп болали она Улжан Тўйлибаева манзилли иж­­тимоий ёрдам олиш масаласини кўтарди, шу­­нингдек, бошпана ололмай юрганини айтиб, ёрдам сўради.  

– Биз сизнинг аҳволингизни тушу­намиз. Муаммони ҳал этишга ҳаракат қиламиз. Бироқ, сиз, энг аввало, уй нав­­батига туришингиз керак, – деди мин­­­тақа раҳбари. Бу аёлга иш билан таъминлашни мувофиқлаштириш ва иж­­­­­­­­­­­­ти­моий дастурлар бошқармаси орқа­ли ёрдам кўрсатилиши айтиб ўтилди. 

Муаллима М. Исраилова миллий йў­налишда таълим берадиган Қизлар мактабини очишни орзу қилади. Қаҳ­ра­мон она ўз мақсадига эришиш учун би­но сўраб, атайин ҳокимнинг қабулига ке­­либди. 

– Сизнинг таклифингиз менга маъқул бўлди. Ҳозир Туркистонда "Ни­коҳ са­ройи" қурилмоқда. Ўша иморатни бо­риб кўрсангиз, сизга ёққан хонада тўгарак очишингизга имконият бор. Қиз­­лар мактабини ва уларга миллий йў­налишда тарбия бериш тўгарагини ташкил этишда ҳар томон­лама ёрдам бераман, –  деди Ў. Шўкеев.

Вилоят аёллар кенгашининг раисаси Б. Жандўсова вилоятда республика миқёсидаги “Өнеге” лойиҳасини жонлан­тириб, Туркистонда оилавий зў­ра­вон­ликка учраган аёлларга мўл­жал­ланган танглик марказини очсак, де­ган фикр­ни ўртага ташлади. Ижтимоий аҳа­миятга эга ташаббусни вилоят ҳокими қўллаб-қувватлади. 

Айтиш жоизки, Nur Otan партияси Тур­кистон вилоят филиалининг “Open Spase” шаклида очилган жамоатчилик қабулхонасига барча давлат органлари етакчилари, вилоят ҳокими, бош­қарма­лар раҳбарлари ой сайин келиб, фуқа­роларни қабулламоқдалар.