Мустақилликнинг дастлабки кунларидан бошлаб, мамлакатимизда аҳолига ижтимоий ёрдам кўрсатишга катта эътибор қаратилмоқда. Айниқса, кўп болали оилаларни ҳар томонлама қўллаб-қувватлашга алоҳида кўнгил бўлинмоқди. Шундай бўлса-да, сўнгги йилларда содир бўлган дунёвий иқтисодий таназзул мамлакатимиз иқтисодига, шу жумладан, Қозоғистондаги аксар оилаларнинг турмуш даражасига салбий таъсир кўрсатгани сир эмас. 

Баъзан эса ижтимоий ҳимояга муҳтож аҳоли қатламларининг муддаосини кўзлаб қабулланган қарорлар шошма-шошарлик билан амалга оширилган ҳоллар ҳам кузатилди. 

Бугунги кунда ушбу соҳага масъул давлат ташкилотлари томонидан тегишли қарорлар қабулланмоқда. Шулар қаторида яқинда эълон қилинган манзилли ижтимоий ёрдамнинг янги шакли – уни оила аъзоларининг даромадларини инобатга олмасдан тайинланишини мисол тариқасида айтиш мумкин. Бу қадам – ғамхўрликнинг ҳаётий кўриниши бўлди.

Бу – биз, кўп фарзандли оналарга кўрсатилаётган ғамхўрлик нишонасидир ва бунинг учун, аввало, давлатимиз раҳбарларига, шунингдек, мутасадди ташкилотларнинг масъул ходимларига ташаккуримизни изҳор этамиз.