Халқимизга жорий йилнинг  апрелидан бошлаб тўланаётган манзилли ижтимоий тўловлар ҳақиқатан ҳам  анчагина ёрдам бўлди. Кўпболали, кам таъминланган ҳамюртларимизнинг моддий шароитларини яхшилаб олишларига катта имконият яратилди.  Элбошимиз, ҚР Тўнғич Президенти Н. Назарбаев, ҚР Президенти Қ. Тўқаев халқимизнинг турмуш шароитларини яхшилаш  йўлида манзилли ижтимоий ёрдам берилишига ташаббускор бўлишди.  Бироқ давлат томонидан чорак сайин  ёрдам пулининг  тўланиши аҳолида боқимандаликнинг шаклланишига олиб келмаслиги керак. Ҳар бир инсон меҳнатига яраша даромад олиши лозим. 

Саккиз фарзанднинг  онасиман. Фарзандларим  олий ўқув юртларида, мактабда ўқишяпти, боғчага боришяпти. Турмуш ўртоғим ҳам куну тун меҳнатда, ахир шунча фарзандни  тарбиялаб, вояга етказишнинг  ўзи бўлмайди. Давлатимиз томонидан тўланаётган ёрдам пули мен учун катта ёрдам бўлди. “Шимкент сити” мавзесидан  менга ижара уйи ажратилди. Жорий йилнинг биринчи мавсумида менга 500 минг тенге ажратилган экан. Менга бу катта ёрдам бўлди.  Энди, бундан буён кўпболали оилаларнинг  даромадини ҳисобга олмай, ижтимоий манзилли ёрдам кўрсатиш масаласи кўтарилмоқда. Раҳбарлардан, бу ишга ташаббускор бўлган Давлат раҳбаридан миннатдорман.