Жорий йил май ойида мен ҳам эл-юрт ўртасида тарқалган шов-шувли ҳолат, яъни кўп болали оналарга ёрдам пули бериларкан, деган ҳаракат таъсирида Аҳолига хизмат кўрсатиш марказига қатнадим. Бир эмас, бир неча марта боришимга тўғри келди. Керакли ҳужжатларни ўтказдим. Уйимга комиссия келди, яшаш шароитларим билан танишди. Хуллас, менга манзилли ижтимоий ёрдам пули тайинланди. Мен бунинг учун давлатимиздан, Президентимиздан бениҳоя хурсандман. Бошида иккиланиб турган эдим, менга берармикан, йўқмикан, деб, энди руҳим кўтарилди, давлат дастурларининг шаффофлигига ишончим ортди. Энди шу тизим янгиланади, дейилмоқда. Яъни 2020 йил 1 январдан бошлаб, ижтимоий қўлловнинг бу тури янги  бандлар билан тўлдирилмоқда. 4 ёки ундан ортиқ балоғатга етмаган фарзандлари бор ёки 23 ёшгача кундузги бўлимда ўқийдиган талабалари бор барча кўп болали оилаларга давлат нафақасини жорий этиш, муҳтож оила фарзандларини кафолатланган ижтимоий пакет билан таъминлаш: 1 ёшдан 6 ёшгача болалар овқат, гигиена воситалари ва таълим ходимлари билан таъминлаш, 6 ёшдан 18 ёшгача бўлганларга – мактабларда бепул иссиқ овқат, шаҳар жамоат транспортида кундаликда бепул қатнашига чипта, мактаб формаси, ўқув қуроллари берилиши айни муддао.