Қозоғистон Республикаси Президентининг “Қозоғистоннинг учинчи замонавийлашуви: дунёвий рақобатбардошлик” Мактубидаги иқтисодиётнинг жадаллаштирилган технологик янгиланиши ва “Рақамли Қозоғистон” давлат дастуридаги аҳоли билан бизнесга давлат томонидан кўрсатиладиган хизматлар оммабоплигини таъминлаш, ахборот алмашувини тезлатиш мақсадида Жанубий Қозоғистон вилояти ҳокимлиги томонидан оммавий очиқ танлов – “Хакатон” Хакерлик марафони уюштирилмоқда.

Июнь ойининг 19-20 саналарида ўтадиган тадбирга ІТ-соҳасининг турли даражадаги мутахассислари қатнашадилар.

Ахборот технологиялари соҳаси бўйича мутахассислар ва ўзига ишонган, талабчан, ўзгача фикрлаш қобилиятига эга кишиларнинг Хакатонда қатнашиши учун катта имконият туғилмоқда.

Истеъдод соҳибларига бериладиган совринлар жамғармаси ҳам мўмайгина. Биринчи ўрин учун – 1 миллион тенге, иккинчи ўрин учун – 500 минг тенге, учинчи ўрин учун 250 минг тенге пул мукофоти берилади. Қолган иштирокчилар ҳам эътибордан четда қолмай, махсус совғалар билан тақдирланади. Энг яхши янги ғояли лойиҳалар таҳлилчилар томонидан кўриб чиқилиб, грантлар бериш имконияти қараштирилган.

Қатнашишни хоҳловчилар оn-startup.кz сайти орқали рўйхатдан ўта оладилар.