“Ҳазрат Султон” давлат тарихий-маданий музейида  “Ҳадя қилинган тарихий буюмлар” кўргазмаси очилди

Очилиш маросимида “Хо­жа Аҳ­мад Яссавий мероси ва Тур­кис­тон” халқаро илмий-ама­лий ан­­­­­­­­жуманига келган жамоат ар­боб­ла­­­ри, хорижлик ва қозо­ғис­тонлик олимлар, музей соҳаси ходимлари иш­­­тирок этишди.

“Ҳазрат Султон” музейи директори Нурбўлат Ахметжанов жамғармани бойитиш борасида олиб борилаётган ишлар ва кўргазманинг мақсадига тўхталиб, махсус таклиф билан кел­ган меҳмонларга ташриф учун миннат­дорчилик билдирди.

Кўргазмада “Музейга совға” акцияси доирасида тўпланган, оммавий намо­йишга чиқарилмайдиган 75та буюм яқиндан таништирилди.

Улар орасида Қаракерей Қабанбай ботирнинг ханжари,  республика музейи сифатида очилган 1978 йилдан буён Маданият вазири ўринбосари Ўзбекали Жанибеков, маҳаллий партия қўмитаси ташаббуси билан аҳолидан йиғилган ва совға сифатида музейга тақдим этилган тарихий буюмлар бор.

Тарихга назар ташласак, музейга осори-атиқалар ҳадя қилиш буюк сар­­­карда Амир Темир замонида урфга ай­ланган. Бунга Амир Темир фармони би­лан қуйилган Дошқозон, олтин ва кумуш сувлари югуртирилган 6та шамчироқни мисол сифатида айтиш мумкин. 

Умуман олганда, музей жамғармасини бойитишга нафақат қозоғистонликлар, балки қўшни мамлакатлар, шунингдек, Туркия Республикаси фуқаролари ҳам ўз ҳиссаларини қўшишмоқда.