Қадимги ва ўрта асрларда Хитойдан Ўрта ва  Олд Осиёга ўтган савдо-карвон йўли – Буюк Ипак йўли деб аталган. Хитойдан бу йўл орқали ноёб ипак буюмлари ҳам ташилганлиги учун у шундай ном олган. Бу йўл Олд Осиё, Ўрта Осиё ва Хитой халқларининг ўзаро иқтисодий ва маданий алоқалари  ривожида катта роль ўйнаган. Буюк географик  кашфиётлар натижасида янги денгиз  йўлларининг очилиши  билан  ўз аҳамиятини йўқотган. Ҳозирги даврга келиб  бу йўл яна катта аҳамият касб  этганлиги эътироф этилиб, уни ўрганиш  бўйича  катта тадқиқот ишлари олиб борилмоқда.

2019 йил 3-5 октябрь кун­лари ҚХА, ҚР Президенти ҳу­зуридаги Республика “Иж­ти­моий тотувлик” маҳкамаси, Жамбил вилояти, Тараз шаҳ­ри ҳокимлиги, ҚР Миллий ку­туб­­­­­­­­­­­­­хонаси ҳузуридаги М. Ауезов илмий кабинети ҳам­­­кор­ли­ги­да “Ипак йўли бўйидаги суҳ­­­­бат – 2019” халқаро мада­ния­­т­­­­­­­шунослик лойиҳаси дои­ра­сида “Янгиланиш. Ўрта Осиё халқларининг тарихи ва за­­­мо­­­­­­­­­­­­­­­навий тажрибалари” мав­зу­ида анжуман ўтказилди. Ло­йи­­­ҳанинг мақсади Буюк Ипак йў­­­­­­­­­­­­лининг тарихи билан ижти­­­­­моий – маданий жиҳатдан ян­ги­­­ланишини саралаш, Ўрта Осиё мамлакатлари орасидаги ит­ти­фоқни ривожлантириш, муш­­­та­рак маданий ва тарихий қад­рият­ларни сақлашдан ибо­рат эди.

Анжуманда ҚРнинг таниқли ёзувчилари, олимлари, халқаро экспертлар, Россия, Ўзбе­кис­тон, Қирғизистон, Тожи­кис­тон, Турк­манистон давлат­ла­ридан таниқли олимлар иш­тирок эт­дилар. Шунингдек, Қо­зо­ғистон ўзбек этномаданият бир­лашма­лари “Дўстлик” ҳам­жамияти раҳ­барлигида Алмати, Шимкент ша­ҳар, Жамбил ва Туркистон вилоят ЎЭМБдан де­легатлар қат­нашдилар.

Дастурга кўра биринчи куни меҳмонлар Тараз шаҳридаги Ой­шабиби, Бабажа хотин, Қо­рахон, Тектурмас (XI аср) ка­би муқаддас қадамжолар Қо­зоқ хонлигининг асосчилари Ке­рей ва Жанибек ҳайкаллари, Тўн­ғич Президент боғи, Муста­қилликнинг 25 йиллиги мону­мент­лари каби диққатга сазо­вор жойларга бордилар.

Анжуманни ҚР Президенти ҳузуридаги “Ижтимоий тотув­лик” маҳкамасининг раҳбари, про­фессор С. Ф. Мажитов очди. Тад­­­бирни ушбу лойиҳа муаллиф, та­­­ниқли давлат ва жамоат ар­бо­би Мурат Мухтар ули Авезов олиб борди. Анжуманда “Дўст­лик” ҳамжамияти раиси И. Ҳо­­­­­­­­­шимжонов “Буюк Ипак йўли ва Ўрта Осиё давлатлари халқ­ларининг ўзаро дўстона муно­сабатлари ва унинг бугунги кун­даги ривожи”, миллатдошимиз Ал Форобий номидаги Қозоқ Мил­­лий университетининг док­то­ранти Ҳамидулла Тожиев “Ис­фи­­­жоб-Сайрам ва Буюк Ипак йў­ли” мав­зуларида маърузалар қил­дилар.

Мурат Мухтарули 2020 йил­­да ушбу лойиҳа доирасида нав­батдаги анжуман буюк маъри­фатпарвар Абайнинг 175 йил­лигига бағишланиб, Баян­овул­да ўтишини маълум қилди. 

Иштирокчилар тараз­лик­ларга юксак эҳтиром ва жон­бозлик учун  ўз ташак­курла­рини изҳор этди­лар.