“Ер жаннати – Еттисув заминидан туркий халқларининг муқаддас макони – Туркистон минтақасига” маънавият карвони Туркистонга етиб келди. Туркистон ва Алмати вилоят маслаҳатлари қўллови, Алмати вилояти дин ишлари бошқармаси ва Туркистон вилоят ижтимоий тараққиёт бошқармаси ташаббуси билан уюштирилган учрашувда меҳмонлар маҳаллий аҳоли билан ўзаро фикр алмашдилар.

Муқаддас Туркистон ерига келган ҳур­матли меҳмонлар даставвал Х. А. Яссавий мақбарасини зиёрат қилиб, боболар ру­ҳига Қуръон тиловат қилдилар. Сўнг шаҳар Маданият уйида уюшти­рилган учра­шувда иштирок этдилар.

Тадбирни Туркистон вилоят маслаҳати котиби Қайрат Балабиев очиб, сафарнинг аҳамиятига тўхталди. 

Учрашувда қатнашган Алмати вилоят маслаҳати котиби С. Дуйсенбинов, Алма­ти вилоят дин ишлари бошқармаси раҳбари Р. Есдаулетов, диншунос А. Шағирбаев, ҚР Маданият арбоби, оқин Ж. Амреевлар сўзга чиқиб, “Маънавий янгиланиш” дастурида белгиланган асосий вази­фаларга тўхталдилар.

Мажлис якунида Туркистон вилоят ижтимоий тараққиёт бошқармаси ва Алмати вилоят дин иш­лари бошқармаси ўртасида ҳамкорлик  мемо­ран­думи имзоланди.