Туркистонда  Ёшлар йили доирасида “Яссавийшунослик – 2019” республика танлови ўтмоқда. Тадбирда  Нур-Султан, Алмати, Шимкент шаҳарлари ва бошқа вилоятлардан 41нафар ўқувчи иштирок этмоқда.

“Ҳазрат Султон” давлат тарихий-маданий қўриқхона-музейи ва Ҳ. А. Яссавий номидаги Халқаро қозоқ-турк университети уюштирган танлов Элбоши Н. Назарбаевнинг “Келажакка йўлланма: маънавий янгиланиш” ва “Буюк Даштнинг етти қирраси” дастурий мақолалари доирасида ўтказилмоқда. 23-бор уюштирилаётган мусобақани тарихий-маданий қўриқхона-музей директори Нурбўлат Ахметжанов ва университет президентининг ижтимоий қўллов ва тарбия бўйича ўринбосари Амреқул Ергешули очишди. Улар Х. А. Яссавийнинг ҳаёти ва ижоди, мақбарада дафн этилган шахсларни ёшлар орасида тарғиб қилиб, ватанпарварлик руҳини  кучайтиришга ҳисса қўшаётган танловнинг аҳамиятига тўхталишди.

–Ўз замонасида халқнинг алоҳида эҳтиромга эга бўлиб, “Авлиёлар султони” аталган, келгуси авлод  маънавий дунёсининг йўналишларини аниқлашда етакчи ўрин олган Х. А. Яссавийдан  бебаҳо бойлик , буюк мерос қолгани маълум. Авлиёнинг изидан борган шогирдлари  унинг илмини бутун жаҳонга таратди, – деди Н. Ахметжанов.

Мусобақа ғолибларига пул мукофотлари ва Х. А. Яссавий номидаги Халқаро қозоқ-турк университети гранти таъсис этилган.