Туркистондаги “Ҳазрат Султон” давлат тарихий-маданий қўриқхона музе­­­­­йига қарашли Уккоша ота мақбараси қошида музей очилди. Унинг тақдимот маросимида маданият, музей ходимлари ҳамда қишлоқ оқсоқоллари иштирок этди. 

– Уккоша ота мақбараси рес­публикада аҳамияти кат­­­­­та ёдгорликлар қаторига ки­ри­тилган. Бу ерга зиёратга ке­лув­­чилар сони кундан кунга ор­тиб бормоқда. Сайёҳларнинг Уккоша бобомиз ҳақида кўплаб маълумотлар олишида ушбу музейнинг хизмати кўп. У кела­­­жакдаги экспозиция залининг бош­ланишидир, – деди “Ҳазрат Сул­тон” давлат тарихий-маданий қў­риқхона музейи директорининг ўринбосари Мурат Тастанбеков. 

Музейда эски китоблар ва тур­ли археологик қазилмалар чо­ғида топилган буюмлар ҳам­да шу ерда хизмат қилган чи­роқ­чилар ва меҳнати синган бош­қа кишиларнинг суратлари қўйилган. 

Тадбир давомида мақбара чироқчиси Шамшиддин Зоки­ров Уккоша отанинг сўнгги пай­ғам­баримиз Муҳаммад (с.а.в.)нинг саҳобаларидан бири, Аллоҳ эл­чисининг белидаги муҳрни кўр­ган ёлғиз авлиё эканлигини айтди. 

Музейга ташриф буюрганлар Ук­коша ота руҳига бағишлаб  Қуръон тиловат қилдилар.