Маълумки, 2020 йил 1 январдан кўп болали оилаларга давлат нафақасини тайинлаш механизми ўзгаради. Ҳозирча, манзилли ижтимоий ёрдамни 4 ва ундан ортиқ боласи бор 340 минг оила олади, деб режаланмоқда. 

Тайёргарлик ишлари бугундан бошланиб кетди. ҚР Меҳнат ва аҳолини ижтимоий муҳофаза қилиш вазирлиги идоралари ва Аҳолига хизмат кўрсатиш марказлари биргаликда ахборий тизимдаги маълумотлар базасини текширмоқда, ахборотларни таққосламоқда. 

Меҳнат ва аҳолини ижтимоий ҳимоя қилиш вазири Б. Нуримбетов ушбу янги нафақа турини тушунтирганда, унинг асосий мақсади болалар ва серфарзанд оилалар манфаатини кўзлаш, уларга мадад кўрсатиш, деди. Лекин, давлат ишга лаёқатли фуқароларни ишлашини талаб қилади, уларни ишга жойлаштириш, зарур бўлса ўқитиш, касбини ўзгартириш каби чора-тадбирларга даъват этади. Кимда ким давлатнинг бу қарорига кўнмаса, унга ва унинг оила аъзоларига нафақа берилмайди. 

(Кўп болали оилаларга давлат нафақасини тайинлаш тартиби ҳақида газетамизнинг келгуси сонида батафсил ахборот берамиз).