Давлат раҳбари Қасим-Жўмарт Тўқаев Швейцария Президенти Ули Маурер билан учрашди

ҚР Президенти Швейцарияни Қозоғистоннинг Европадаги энг муҳим ҳамкорлардан бири эканлигини айтди.

– Давлатларимиз орасида барча соҳалар бўйича, асосан, иқтисодиёт йўналишида жипс ҳамкорлик ўрнатилган. Швейцария Қозоғистон иқтисодиётидаги муҳим инвесторлардан ҳамда асосий савдо шерикларидан бири, – деди Президент.

Давлат раҳбари Швейцария Президенти билан бирга бизнес-делегация ваколатхонасининг ҳам келиши ушбу сафарнинг аҳамиятини кучайтирганлигини айтди.

Ули Маурер Қасим-Жўмарт Тўқаевга меҳмондўстлик учун миннатдорчилик билдириб, Қозоғистонни ўз мамлакатининг энг муҳим стратегик ҳамкори сифатида кўришини етказди.

– Биз сиёсий қўллов кўрсатганингиз учун чин юракдан миннатдорчилик билдирамиз. Бизнинг мақсад-муддаоларимиз умумий. Иқтисодий алоқаларимизга келсак, сўнгги йилларда бу соҳа ривожланиб бормоқда. Бизнинг ўзаро сафар алмашувимиз муносабатларимизнинг янада мустаҳкамланишига таъсир кўрсатади, деб ўйлайман, – деди Швейцария Президенти.