Вилоят ижтимоий ривожланиш бошқармаси Туркистонда “Диплом билан – қишлоққа” давлат дас­турига бағишланган вилоят форумини ўт­казди. Тадбирда мазкур дастур иштирокчилари  ҳам­да олий таълим муассасалари раҳбарлари, ви­­­лоят маслаҳати депутатлари иштирок этишди.

Форумда Стратегия ва иқ­ти­со­дий ривожлантириш бошқармаси раҳбарининг ўринбосари Т. Тўле­генов мазкур ҳужжатнинг ижтимоий қўллов чоралари ва тамойиллари ҳақида тушунча берди. Вилоят маслаҳати депутати З. Чолдонов “Диплом билан – қишлоққа” ло­йи­ҳаси ёшларга берилган кенг им­коният эканлигини таъкидлаб, улар­­дан умиди катта эканлигини айтди. 

Тадбир давомида дастурда иш­тирок этиб, муваффақиятларга эри­шаётган мутахассислар ҳам сўз­га чиқишди. Қарағандида олий таълим олиб, шифокор их­ти­сос­ли­гини эгаллаган келеслик Д. Жўл­дасули бугунги кунда туғилган масканга қайтиб, Абай қишлоқ шифохонасининг менежери бў­либ фаолият юритаётгани ва ту­ғилган юрт равнақи йўлида ишини давом эттиришини айтди. Сўзоқ туманидаги А. Сулейменов номли умумий ўрта мактабнинг устози Маржан Тўлеген қизи эса ушбу ло­йиҳада иштирок этаётганидан мамнунлигини яширмади. 

Форумда қатнашган ёш­лар мамлакат келажаги учун амалга оширилаётган ишларни тил­га олиб, келгуси режаларини ўртоқ­ла­­­­шишди. 

Тадбир сўнгида бир гуруҳ ёш­ларга ташаккурномалар топ­ши­рилди.