Шимкент нефтни қайта ишлаш заводида модер­низация ишларининг биринчи босқичи якунланиш арафасида. Мамлакатимиздаги нефтни қайта ишлайдиган учта заводнинг бири ҳисобланмиш мазкур  корхонада бугунги кунда қурилиш ишлари жадал бормоқда.

У бундай имкониятга мамлакатимиздаги Жа­даллаштирилган индустриявий-инновациявий тараққиёт дастури туфайли мувофиқ  бўлди.

Янгиланиш ишлари пи­ро­вардида завод йилига 4 минг тонна олтин гугурт ишлаб  чиқариш қувватига эга бўлади. Нефть маҳсу­лотларини узлуксиз қу­йиш мажмуасининг қури­лиши ҳам якунланган. На­тижада заводдаги ди­зель ёнилғиларининг сифати Евро-4 ҳамда Евро-5 ан­да­заларига муво­фиқ­лашти­рилмоқда. 

Модернизация иш­ла­рининг иккинчи босқичида заводнинг маҳсулот чиқа­­­риш ҳажмини йилига 6 млн. тоннагача етказиш ҳамда нефтни қайта ишлаш те­ранлигини 80 фоизгача кўпайтириш кўзланмоқда. Лойиҳа тўлиқ амалга оши­рилгач, нефтни қайта  ишлаш заводи жаҳон ан­­да­­­­­заларига тўлиқ жавоб берадиган юқори техно­логияли йирик ишлаб чи­қариш корхонасига айланади. 

Стратегик аҳамиятга эга лойиҳани “Қозоғистон Та­раққиёт Банки” молия­лаштирмоқда. Яъни банк ва завод орасидаги шартномага мувофиқ қайта таъмирлаш  лойиҳасини  молиялаштириш учун насия тизими очилган эди. 

13 йил  муддатга берилган насиянинг умумий миқдори 932 млн. АҚШ долларини ташкил этади. Умумий қий­мати 1,9 млрд. АҚШ дол­ларидан иборат лойиҳа индустриявий-инновациявий тараққиётнинг 2015-2019 йилларга мўлжалланган давлат дастури доирасида  молиялаштирилмоқда. 

Шимкент нефтни қайта ишлаш заводини янгилаш ҳамда қайта таъмирлаш икки  босқичда амалга оширилади. Биринчи босқичда Божхона иттифоқи мамлакатларида қабулланган К4 ҳамда К5 (Евро-4 ҳамда Евро-5 муқобили) экологик клас­тели бензини ва дизель ёнилғиси чиқаришни йўл­га қўйиш режаланган, ик­кинчи босқичда нефтни қайта ишлаш теранлигини, шунингдек, қувватини йилига 5,250 млн. тоннадан 6 млн. тоннагача кўпайтириш режа­ланган.